‘ഇതൊരു ഒളിഞ്ഞുനോട്ടം മാത്രം’; കളരി വീഡിയോ പങ്കുവച്ച് ലക്ഷ്മി

മോഹന്‍ലാല്‍ പ്രധാന കഥാപാത്രമാകുന്ന ചിത്രം 'മോണ്‍സ്റ്ററി'ന്റെ വിശേഷങ്ങള്‍ സാമൂഹിക മാധ്യമങ്ങളില്‍ ശ്രദ്ധ നേടാറുണ്ട്. ഇപ്പോള്‍ ശ്രദ്ധേയമാകുന്നത് നായിക ലക്ഷ്മി മഞ്ജു കളരി പരിശീലിക്കുന്ന വീഡിയോയാണ്. ലക്ഷ്മി തന്നെയാണ് ഫേസ്ബുക്കിലൂടെ വീഡിയോ പങ്കുവച്ചിരിക്കുന്നത്. 'പുതിയ എന്തെങ്കിലും പഠിക്കുന്നതിന്റെ ത്രില്‍. ആധുനിക കേരളത്തില്‍ ഉത്ഭവിച്ച ഇന്ത്യന്‍ ആയോധന കലയും പോരാട്ട ശൈലിയുമാണ് കളരിപ്പയറ്റ്. കേരളത്തിലെ മലബാര്‍ മേഖലയില്‍ നിന്നുള്ള ചേകവരെക്കുറിച്ച് എഴുതിയ 'വടക്കന്‍ പാട്ടുകള്‍' എന്ന ഗാനത്തിലും ഇത് പരാമര്‍ശിക്കപ്പെട്ടിട്ടുണ്ട്. മോണ്‍സ്റ്ററിന് വേണ്ടി രാവും പകലുമില്ലാതെ ഈ കല പഠിക്കുന്നു. കൃഷ്ണദാസ് വല്ലഭട്ട ഗരുവിനും അദ്ദേഹത്തിന്റെ മകള്‍ കാവ്യ നായര്‍ക്കും ഒപ്പമാണ് പഠിക്കുന്നത്. ഇതൊരു ഒളിഞ്ഞുനോട്ടം മാത്രമാണ്, കൂടുതല്‍ കാര്യങ്ങള്‍ക്കായി കാത്തിരിക്കുക'- വീഡിയോയ്ക്കൊപ്പം ലക്ഷ്മി മഞ്ജു കുറിച്ചു. നേരത്തെ, മോണ്‍സ്റ്റര്‍ താരങ്ങള്‍ ജിമ്മില്‍ വര്‍ക്കൗട്ട് ചെയ്യുന്ന വീഡിയോ സോഷ്യല്‍ മീഡിയകളില്‍ വൈറലായിരുന്നു. ലക്ഷ്മി തന്നെയാണ് വീഡിയോ പങ്കുവച്ചിരുന്നത്. മോഹന്‍ലാല്‍, ഹണി റോസ്, സുധേവ് നായര്‍, ലക്ഷ്മി മഞ്ജു എന്നിവരാണ് വീഡിയോയിലുണ്ടായിരുന്നത്. അതേസമയം, ചിത്രത്തിന്റെ രണ്ടാം ഷെഡ്യൂള്‍ കൊച്ചിയില്‍ പുരോഗമിക്കുകയാണ്. പുലിമുരുകന്‍ എന്ന ഹിറ്റ് ചിത്രത്തിന് ശേഷം മോഹന്‍ലാലും വൈശാഖും ഒന്നിക്കുന്ന ചിത്രമാണ് മോണ്‍സ്റ്റര്‍. ഉദയ് കൃഷ്ണന്‍ തിരക്കഥയൊരുക്കുന്ന ചിത്രം ആശിര്‍വാദ് സിനിമാസിന്റെ ബാനറില്‍ ആന്റണി പെരുമ്പാവൂരാണ് നിര്‍മ്മിക്കുന്നത്.