‘ ഡോക്യുമെന്ററികള്‍ സ്ത്രീകളുടെ ഇടമായി മാറി, ഫീച്ചര്‍ സിനിമകളില്‍ പിന്നില്‍’; ബീന പോള്‍

ചലച്ചിത്ര മേഖലയില്‍ പെണ്‍കരുത്ത് തെളിയിക്കുന്ന നിരവധി ഉദാഹരണങ്ങളാണ് ഈത്തവണത്തെ അന്താരാഷ്ട്ര ഡോക്യുമെന്ററി ഷോര്‍ട്ട് ഫിലിം ഫെസ്റ്റിവലില്‍ ഉള്ളത്. തിരുവനന്തപുരത്തു ആരംഭിച്ച മേളയില്‍ പ്രദര്‍ശിപ്പിക്കുന്ന ചിത്രങ്ങളില്‍ 50 എണ്ണവും വനിതകളുടേതാണ്. ഉദ്ഘാടന ചിത്രമായ ബെയ്‌റൂട്ട് ഐ ഓഫ് ദ സ്റ്റോം ഉള്‍പ്പടെ പ്രദര്‍ശിപ്പിച്ച ചിത്രങ്ങളില്‍ അധികവും പ്രേക്ഷക ശ്രദ്ധ നേടി. ക്യാമറക്കു മുന്നിലും പിന്നിലും നിറഞ്ഞു നില്‍ക്കുന്ന പെണ്‍കരുത്താണ് മേളയിലെ ആകര്‍ഷണം. അതിജീവന കാലത്ത് വനിതകള്‍ ഒരുക്കിയ 50 ചിത്രങ്ങള്‍ മേളയുടെ മാറ്റ് കൂട്ടി. ഉദ്ഘാടന ചിത്രമായ ലെബനന്‍ ചിത്രം 'ബയ്‌റൂട്ട് ഐ ഓഫ് ദ സ്റ്റോം' ഒരു സംഘം വനിതകളുടെ ചെറുത്തു നില്‍പ്പിന്റെ കഥകൂടിയാണ്. മായി മിശ്രിയുടെ സംവിധാനതിലോരുങ്ങിയ ചിത്രത്തിന് ഇതിനോടകം തന്നെ നിരവധി അംഗീകാരങ്ങളും ലഭിച്ചിരുന്നു. അതേസമയം, ഡോക്യുമെന്ററികള്‍ സ്ത്രീകളുടെ ഇടമായി മാറുമ്പോഴും ഫീച്ചര്‍ സിനിമകളിലേക്ക് സ്ത്രീകള്‍ക്ക് കടന്നുവരാന്‍ കഴിയുന്നില്ലെന്നാണ് ചലച്ചിത്ര അക്കാദമി വൈസ് ചെയര്‍പേഴ്സണ്‍ ബീന പോളിന്റെ അഭിപ്രായം. രണ്ട് വിഭാഗങ്ങളിലായാണ് പ്രദര്‍ശനം ഉണ്ടാകുക. ഇതില്‍ പ്രദര്‍ശനത്തിനെത്തുന്ന 34 ഡോക്യൂമെന്ററികളില്‍ പതിനൊന്നു ചിത്രങ്ങളുടെ സംവിധായകരും വനിതകളാണ്. അരുണ വാസുദേവിന്റെ ജീവിതത്തെ ആസ്പദമാക്കി സുപ്രിയ സുരി സംവിധാനം ചെയ്ത 'അരുണാ വാസുദേവ് മദര്‍ ഓഫ് ദി നേഷനാ'ണ് മേളയുടെ പ്രത്യേക വിഭാഗത്തില്‍ പ്രദര്‍ശിപ്പിക്കുന്നത്. സുമിത്ര ഭാവേയുടെ ചിത്രങ്ങളും ആദരസൂചകമായി മേളയില്‍ പ്രദര്‍ശിപ്പിക്കും.