നവ്യയുടെ ‘ഒരുത്തീ’; ഒപ്പം വിനായകനും; ഫസ്റ്റ് ലുക്ക് പുറത്തുവിട്ടു

വി കെ പ്രകാശ് സംവിധാനം ചെയ്യുന്ന 'ഒരുത്തി'യുടെ ഫസ്റ്റ് ലുക്ക് പോസ്റ്റര്‍ സിനിമ, രാഷ്ട്രീയം, സാഹിത്യം, കായികം, കല ഉള്‍പ്പടെ സമൂഹത്തിലെ വിവിധതലങ്ങളില്‍ നിന്നുള്ള പ്രമുഖ വനിതകള്‍ സമൂഹമാധ്യമങ്ങള്‍ വഴി പങ്കുവച്ചു. ഷൈലജ ടീച്ചര്‍, പി.ടി ഉഷ, അഞ്ജലി മേനോന്‍ ഉള്‍പ്പടെ നിരവധി പേരാണ് പോസ്റ്റര്‍ പങ്കുവച്ചത്. നവ്യ നായരും വിനായകനുമാണ് ചിത്രത്തിലെ പ്രധാന കഥാപാത്രങ്ങളെ അവതരിപ്പിച്ചിരിക്കുന്നത്. മികച്ച നടിക്കുള്ള ജെ സി ഡാനിയല്‍ ഫൗണ്ടേഷന്‍ ഫിലിം അവാര്‍ഡ് 2020, 12-ാമത് ഭരത് മുരളി ചലച്ചിത്ര അവാര്‍ഡ് 2020, ഗാന്ധിഭവന്‍ ചലച്ചിത്ര അവാര്‍ഡ് 2020 എന്നിവ നവ്യ നായര്‍ക്ക് നേടിക്കൊടുത്ത ചിത്രം കൂടിയാണ് ഒരുത്തീ. ബെന്‍സി പ്രൊഡക്ഷന്‍സിന്റെ ബാനറില്‍ കെ വി അബ്ദുള്‍ നാസറാണ് ഒരുത്തീ നിര്‍മ്മിക്കുന്നത്. കഥ, തിരക്കഥ,സംഭാഷണം - എസ് സുരേഷ് ബാബു. ജിംഷി ഖാലിദ് ആണ് ഛായാഗ്രാഹകന്‍. ഗോപി സുന്ദര്‍ ആണ് ഗാനങ്ങളും പശ്ചാത്തല സംഗീതവും ഒരുക്കിയിരിക്കുന്നത്. തകര ബാന്റ് രചിച്ച ഒരു ഗാനവും ചിത്രത്തിലുണ്ട്. ലിജോ പോള്‍ എഡിറ്ററും ഡിക്സണ്‍ പൊടുതാസ് പ്രൊഡക്ഷന്‍ കണ്‍ട്രോളറുമാണ്. ജോതിഷ് ശങ്കര്‍ പ്രൊഡക്ഷന്‍ ഡിസൈനറും രംഗനാഥ് രവി സൗണ്ട് ഡിസൈനറുമാണ്. ആലങ്കോട് ലീലാകൃഷ്ണനും ബി കെ ഹരിനാരായണനും ചേര്‍ന്നാണ് ഗാനങ്ങളുടെ വരികള്‍ എഴുതിയിരിക്കുന്നത്. മേക്കപ്പ് - രതീഷ് അമ്പാടി, വസ്ത്രാലങ്കാരം -സമീറ സനീഷ്. ത്രില്ലുകള്‍ കൈകാര്യം ചെയ്യുന്നത് ജോളി ബാസ്റ്റിനാണ്. കെ ജെ വിനയന്‍ ആണ് ചിത്രത്തിന്റെ ചീഫ് അസോസിയേറ്റ് ഡയറക്ടര്‍. സ്റ്റില്‍സ് പകര്‍ത്തിയത് അജി മസ്‌കറ്റും ഡിസൈന്‍ കൈകാര്യം ചെയ്യുന്നത് കോളിന്‍സ് ലിയോഫിലുമാണ്.