‘സുമേഷ് ആന്‍ഡ് രമേഷ്’ ഹൗസ് ഫുള്‍ ആയി പ്രദര്‍ശനം തുടരുന്നു

തീയേറ്ററുകളില്‍ ചിരി പടര്‍ത്തി 'സുമേഷ് ആന്‍ഡ് രമേഷ്' പ്രദര്‍ശനം തുടരുകയാണ്. റിലീസ് ചെയ്ത് മൂന്ന് ദിവസങ്ങള്‍ പിന്നിടുമ്പോഴും മികച്ച പ്രതികരണങ്ങളോടെ ഹൗസ് ഫുള്‍ ആയിട്ടാണ് പ്രദര്‍ശനം തുടരുന്നത്. കേരളത്തില്‍ 130ഓളം തീയേറ്ററുകളിലാണ് സിനിമ റിലീസിന് എത്തിയത്. ശ്രീനാഥ് ഭാസി, ബാലു വര്‍ഗീസ് എന്നിവരെ കേന്ദ്രകഥാപാത്രങ്ങളാക്കി സനൂപ് തൈക്കുടമാണ് ചിത്രം സംവിധാനം ചെയ്തിരിക്കുന്നത്. ശ്രീനാഥ് ഭാസിയാണ് സുമേഷ് എന്ന കഥാപാത്രത്തെ അവതരിപ്പിക്കുന്നത്. രമേഷ് ആയി എത്തുന്നത് ബാലു വര്‍ഗീസാണ്. സലീം കുമാര്‍, പ്രവീണ, സുധീപ് ജോഷി, ഷെബിന്‍ ബെന്‍സണ്‍ എന്നിവരാണ് മറ്റ് കഥാപാത്രങ്ങളെ അവതരിപ്പിക്കുന്നത്. ചിത്രത്തിന്റെ കഥയും തിരക്കഥയും സംഭാഷണവും ഒരുക്കിയിരിക്കുന്നത് ജോസഫ് വിജീഷും സനൂപ് തൈക്കുടവും ചേര്‍ന്നാണ്. വൈറ്റ് സാന്‍ഡ്സിന്റെ ബാനറില്‍ കെ. എല്‍ 7 എന്റര്‍ടെയ്ന്‍മെന്റ്സുമായി ചേര്‍ന്ന് ഫരീദ് ഖാന്‍ ആണ് ചിത്രം നിര്‍മ്മിക്കുന്നത്. ഫരീദ് ഖാനാണ് ചിത്രത്തിന്റെ ഛായാഗ്രഹണം നിര്‍വഹിക്കുന്നത്. സംഗീത സംവിധാനം യാക്സണ്‍ ഗാരി പെരേര, നേഹ എസ് നായര്‍ എന്നിവരാണ്. ചീഫ് അസോസിയേറ്റ് ഡയറക്ടര്‍ ജയരാജ്, ശബ്ദ സംവിധാനം രാംനാഥ് രവി, ചമയം അമല്‍ ചന്ദ്രന്‍, വസ്ത്രാലങ്കാരം വീണ സ്യമന്തക്, എഡിറ്റിംഗ് അയൂബ് ഖാന്‍.