നടന്‍ ബാബുരാജിന് വെട്ടേറ്റ സംഭവത്തില്‍ ദമ്പതികളെ റിമാന്‍ഡ് ചെയ്തു

നടന്‍ ബാബുരാജിന് വെട്ടേറ്റ സംഭവത്തില്‍ ദമ്പതികള്‍ റിമാന്‍ഡില്‍.കമ്പിലൈന്‍ മുട്ടം മാത്യു(54),ലിസി(48) എന്നിവരെയാണ് റിമാന്‍ഡ് ചെയ്തത്.നടന്റെ ഉടമസ്ഥതയില്‍ പ്രവര്‍ത്തിക്കുന്ന റിസോര്‍ട്ടിലേക്ക് വെള്ളമടിക്കുന്നതിന് കുളം വൃത്തിയാക്കുന്നതിനിടയില്‍ സംഘര്‍ഷമുണ്ടായി.ഇതിനെ തുടര്‍ന്നാണ് ബാബുരാജിന് വെട്ടേറ്റത്.

ബാബുരാജിനെ പിന്നീട് സ്വകാര്യ ആശുപത്രിയില്‍ പ്രവേശിപ്പിച്ചു.നടന്റെ മൊഴിയുടെ അടിസ്ഥാനത്തിലാണ് ദമ്പതികളെ അറസ്റ്റു ചെയ്തിരിക്കുന്നത്.മാത്യുവിനെതിരെ വധശ്രമത്തിനും ലിസിക്കെതിരെ പ്രേരണാക്കുറ്റത്തിനുമാണ് കേസ് രജിസ്റ്റര്‍ ചെയ്തിരിക്കുന്നത്. 2012 ല്‍ മാത്യുവിന്റെ ഉടമസ്ഥതയിലുള്ള അഞ്ചു സെന്റ് ഭൂമി ബാബുരാജ് വാങ്ങിയിരുന്നു.പ്രസ്തുത വസ്തുവില്‍ ബാബു രാജ് കുഴിച്ച കുളം വൃത്തിയാക്കുന്നതിനിടയില്‍ ഇരുവരും തമ്മില്‍ നടന്ന വാക്കേറ്റത്തെ തുടര്‍ന്ന് സമീപത്തു വീടുള്ള മാത്യു വെട്ടുകത്തിയുമായി വന്ന് ബാബുരാജിനെ വെട്ടുകയായിരുന്നു.എന്നാല്‍ ഇതു കണ്ടു നിന്ന മാത്യുവിന്റെ ഭാര്യ ലിസി ഇയാളെ തടഞ്ഞില്ലെന്നാണ് അവര്‍ക്കെതിരെ പ്രേരണാക്കുറ്റം ചുമത്താന്‍ കാരണം.

പരിക്കേറ്റ് സ്വകാര്യ ആശുപത്രിയില്‍ ചികില്‍സയില്‍ കഴിയുന്ന ബാബുരാജ് സുഖം പ്രാപിച്ചു വരുന്നതായി ഡോക്ടര്‍മാര്‍ അറിയിച്ചു.