ആളെക്കൂട്ടി, പേരിട്ട് പടം പിടിച്ചു എന്നല്ലാതെ മറ്റൊന്നും ഇതുവരെ നടന്നിട്ടില്ല ; നടിമാരുടെ സംഘടനയ്ക്ക് തളര്‍ച്ചയോ…?

കേരളത്തിലെ വനിതാ സിനിമാ പ്രവര്‍ത്തകര്‍ ഒരുമിച്ച്‌ വുമണ്‍ ഇന്‍ സിനിമ കളക്ടീവ് എന്ന സംഘടനയ്ക്ക് തുടക്കമിട്ടു. എന്നാല്‍ ആളെക്കൂട്ടി, പേരിട്ട് മുഖ്യമന്ത്രിയെക്കണ്ട് പടം പിടിച്ചു എന്നല്ലാതെ മറ്റൊന്നും ഇതുവരെ നടന്നിട്ടില്ലെന്നാണ് റിപ്പോര്‍ട്ടുകള്‍.

മലയാള സിനിമാ ലോകം മറ്റുള്ളയിടത്തെന്ന പോലെ പൂര്‍ണമായും പുരുഷന്മാരുടെ കയ്പ്പിടിയിലാണ്. സിനിമാ രംഗത്തെ പ്രധാന സംഘടനയായ അമ്മയുടെ തലപ്പത്ത് തന്ന ആണ്‍ മേധാവിത്വങ്ങളാണ്. എല്ലായ്‌പ്പോഴും നടന്മാര്‍ക്ക് താഴെയാണ് നടികള്‍. കിട്ടുന്ന പരിഗണനയും പ്രതിഫലവുമെല്ലാം നടന്മാരേക്കാളും എത്രയോ താഴെ. ഇതിനൊക്കെ എതിരെയാണ് മഞ്ജു വാര്യര്‍ ഉള്‍പ്പടെയുള്ളവരുടെ നേതൃത്വത്തില്‍ സ്ത്രീകളുടെ സംഘടന രൂപീകരിക്കപ്പെട്ടത്. സംഘടനയില്‍ പുതിയ നടിമാര്‍ ആരും ചേരുന്നില്ലെന്ന പ്രതിസന്ധിയും ഉണ്ട്. മഞ്ജു വാര്യര്‍, പാര്‍വ്വതി, റീമ കല്ലിങ്കല്‍, സജിത മഠത്തില്‍, ബിന പോള്‍, ദീദി ദാമോദരന്‍, വിധു വിന്‍സന്റ് തുടങ്ങിയവരുടെ നേതൃത്വത്തിലാണ് സംഘടന രൂപീകരിക്കപ്പെട്ടത്.