ദിലീപ് ചോദ്യംചെയ്യലിനോടു സഹകരിക്കുന്നില്ലെന്ന് പോലീസ്

നടി ആക്രമിക്കപ്പെട്ട കേസില്‍ ദിലീപ് ചോദ്യംചെയ്യലിനോടു സഹകരിക്കുന്നില്ലെന്ന് പോലീസ്. പള്‍സര്‍ സുനിയെ അറിയില്ലെന്നും കണ്ടിട്ടില്ലെന്നുമുള്ള മറുപടിയാണ് ചോദ്യം ചെയ്യലില്‍ ആവര്‍ത്തിക്കുന്നത്. ഒരു കാര്യവും പറയാനില്ലെന്നും തെറ്റ് ചെയ്തിട്ടില്ലെന്നുമാണു ദിലീപിന്റെ നിലപാട്‌. തെളിവുകള്‍ കാട്ടി ചോദ്യംചെയ്യുമ്പോള്‍ മറുപടി നല്‍കുന്നില്ലെന്നും പോലീസ് പറഞ്ഞു. ആലുവ പോലീസ് ക്ലബ്ബിലാണു ചോദ്യംചെയ്യല്‍ തുടരുന്നത്. അതേസമയം പോലീസിനെക്കുറിച്ച് പരാതിയൊന്നുമില്ലെന്ന് ദിലീപ് കോടതിയെ അറിയിച്ചു.

എന്നാല്‍ പത്താം തീയതി നടന്ന ചോദ്യം ചെയ്യലിനിടെ ദീലീപ് കാര്യങ്ങളെല്ലാം വ്യക്തമാക്കിയിരുന്നുവെന്ന് പൊലീസ് പറയുന്നു. ശക്തമായ ചോദ്യം ചെയ്യലിനിടെ തെറ്റു സമ്മതിക്കേണ്ടിവന്ന സാഹചര്യത്തില്‍ ദിലീപ് കരഞ്ഞുപോകുന്ന അവസ്ഥവരെയെത്തി. പിന്നീട് മോഹാലസ്യം അഭിനയിക്കാന്‍ വരെ തുനിഞ്ഞു. ദിലീപ് ഇപ്പോള്‍ യാതൊന്നും ചെയ്തിട്ടില്ലെന്ന നിലപാടിലാണ്.മെമ്മറി കാര്‍ഡ് സംബന്ധിച്ച ചോദ്യങ്ങള്‍ക്കും ദിലീപ് മറുപടി നല്‍കുന്നില്ല.