ദിലീപിന്റെ വെളിപ്പെടുത്തല്‍ ശരിവച്ച് ഡി.ജി.പി ; എപ്പോള്‍, എങ്ങനെയെന്നതൊക്കെ കോടതിയില്‍ അറിയിക്കുമെന്നും ബഹ്‌റ

നടിയെ ആക്രമിച്ച കേസില്‍ മുഖ്യപ്രതി പള്‍സര്‍ സുനി എന്ന സുനില്‍കുമാര്‍ തന്നെ ബ്ലാക്ക്‌മെയില്‍ ചെയ്യാന്‍ ശ്രമിക്കുന്നുവെന്ന് കാണിച്ച് ഡി.ജി.പി ലോക്‌നാഥ് ബെഹ്‌റയ്ക്ക് പരാതി നല്‍കിയിരുന്നുവെന്ന നടന്‍ ദിലീപിന്റെ ജാമ്യഹര്‍ജിയിലെ വെളിപ്പെടുത്തല്‍ ശരിവച്ച് ഡി.ജി.പി. തനിക്ക് ഒരു പരാതി കിട്ടിയിരുന്നു. എന്നാല്‍ അത് എപ്പോള്‍, എങ്ങനെ കിട്ടിയെന്നത് വെള്ളിയാഴ്ച കോടതിയെ അറിയിക്കുമെന്ന് ഡി.ജി.പി മാധ്യമങ്ങളോട് പ്രതികരിച്ചു.

ഇപ്പോള്‍ ഇക്കാര്യത്തില്‍ ഒരു അഭിപ്രായവും പറയുന്നില്ല. കോടതിയുടെ പരിഗണനയില്‍ ഇരിക്കുന്ന വിഷയമാണ്. കോടതിയില്‍ വിശദീകരണം നല്‍കുമെന്നും അദ്ദേഹം അറിയിച്ചു. കേസിലെ എ.ഡി.ജി.പി ബി.സന്ധ്യ ചില നീക്കങ്ങള്‍ നടത്തിയെന്ന ദിലീപിന്റെ വെളിപ്പെടുത്തല്‍ ചൂണ്ടിക്കാട്ടിയപ്പോള്‍ കോടതിയുടെ പരിഗണനയില്‍ ഇരിക്കുന്ന കേസില്‍ കൂടുതല്‍ പറയാനില്ലെന്നായിരുന്നു ഡി.ജി.പിയുടെ നിലപാട്.