തനിക്ക് അറിയാവുന്ന കാര്യങ്ങള്‍ പറയും ; ആരെയെങ്കിലും കുടുക്കാന്‍ കള്ളം പറയില്ല – നടി കേസ്സില്‍ മഞ്ജു നയം വ്യക്തമാക്കുന്നു !

നടിയെ ആക്രമിച്ച തനിക്ക് അറിയാവുന്ന കാര്യങ്ങള്‍ എവിടേയും പറയും എന്നാല്‍ ആരെയെങ്കിലും കുടുക്കാന്‍ കള്ളം പറയില്ലെന്നും കേസില്‍ പോലീസ് സാക്ഷിയാക്കിയ നടി മഞ്ജു വാര്യര്‍. പോലീസിന്റെ നിലപാട് നോക്കാതെ തനിക്ക് അറിയാവുന്ന കാര്യങ്ങള്‍ പറയുമെന്നാണ് മഞ്ജുവിന്റെ നിലപാട്.

നടിയെ ആക്രമിച്ച സംഭവത്തില്‍ ദിലീപാണ് ഗൂഢാലോചന നടത്തിയതെന്ന് താന്‍ എവിടെയും പറഞ്ഞിട്ടില്ലെന്നും മഞ്ജുവിനോട് അടുത്ത വൃത്തങ്ങള്‍ വ്യക്തമാക്കുന്നു. സാക്ഷി പട്ടികയില്‍ ഉള്‍പ്പെടുത്തിയത് തന്റെ അറിവോടെ അല്ലെന്ന് മഞ്ജു പറഞ്ഞതായും റിപ്പോര്‍ട്ടുകളുണ്ട്. മഞ്ജുവുമായുള്ള വിവാഹബന്ധം തകരാന്‍ ആക്രമിക്കപ്പെട്ട നടിയുടെ ചില ഇടപെടലുകള്‍ കാരണമായതായി ദിലീപ് വിശ്വസിച്ചിരുന്നുവെന്നും ആക്രമണത്തിലേക്ക് നയിച്ചത് ഈ വൈരാഗ്യമാണെന്നുമാണ് പോലീസിന്റെ കുറ്റപത്രം.