മുകേഷിനും ഗണേഷിനും സിദ്ദിക്കിനും ആകാമെങ്കിൽ ദിവ്യാ ഉണ്ണിക്കും ആകാം!

നടി ദിവ്യ ഉണ്ണി രണ്ടാമതും വിവാഹിതയായെന്ന് വാർത്ത വന്നതു മുതൽ സാമൂഹ്യമാധ്യമങ്ങൾ വഴി അവർക്കെതിരെ മോശം കമന്റുകളാണ് വന്നുകൊണ്ടിരിക്കുന്നത്. ആദ്യ ബന്ധത്തിൽ നിന്നും വിവാഹമോചനം നേടിയ, രണ്ട് മക്കളുള്ള സ്ത്രീ രണ്ടാമതും വിവാഹിതയായത് ചിലർക്ക് പിടിച്ചിട്ടില്ലെന്ന് വേണം മനസ്സിലാക്കാൻ. മക്കളുള്ള നടിയുടെ വിവാഹത്തെ വിമര്‍ശിക്കുന്നവര്‍ക്കും അപഹസിക്കുന്നവര്‍ക്കുമുള്ള മറുപടിയാണ് അധ്യാപിക ദിവ്യ ദിവാകരൻ സമൂഹമാധ്യമത്തിൽ പങ്കുവെച്ചിരിക്കുന്നത്.

നടി ദിവ്യാ ഉണ്ണിയുടെ വിവാഹ വാര്‍ത്തയുടെ അടിയില്‍ അവരെ അപഹസിച്ചുകൊണ്‍ടുളള കമന്‍റുകള്‍ യഥാര്‍ത്ഥത്തില്‍ മാനസികമായി അരക്ഷിതരായിക്കൊണ്‍ടിരിക്കുന്ന പിന്‍തിരിപ്പന്‍ പുരുഷുക്കളുടെ ദയനീയ രോദനങ്ങള്‍ മാത്രമാണ്. തങ്ങളുടെ സന്തോഷങ്ങള്‍ക്കും താത്പര്യങ്ങള്‍ക്കും വേണ്‍ടി മാത്രം കെട്ടിപ്പൊക്കിവച്ചിരുന്ന സംവിധാനങ്ങളൊക്കെ തകര്‍ന്നടിയുന്നത് കാണുമ്പോഴുളള ഭയപ്പാടില്‍ നിന്നുണ്‍ടാകുന്ന 'പുരുഷവിലാപങ്ങള്‍ '.