അത് ലളിത ചേച്ചി പറഞ്ഞതാവില്ല പത്രകുറിപ്പല്ലേ

അവസരം നല്‍കിയാലും ഇനി സംഗീതനാടക അക്കാദമിയുടെ 'സര്‍ഗഭൂമിക' എന്ന ഓണ്‍ലൈന്‍ നൃത്തപരിപാടിയില്‍ പങ്കെടുക്കാനില്ലെന്ന് കലാഭവന്‍ മണിയുടെ സഹോദരന്‍ ഡോ. ആര്‍എല്‍വി രാമകൃഷ്ണന്‍. മാനസികമായും ശാരീരികമായും തകര്‍ന്ന അവസ്ഥയിലാണ് ഉള്ളത്. ആരോഗ്യം മെച്ചപ്പെടാന്‍ തന്നെ സമയമെടുക്കും. മനസ് പഴയതുപോലെ ആകാന്‍ ഏതാനും കൗണ്‍സിലിങ്ങുകള്‍ വേണ്ടിവരുമെന്നാണ് ഡോക്ടര്‍ പറഞ്ഞത്.

അവസരം നിഷേധിക്കപ്പെട്ടപ്പോള്‍ മുന്‍പില്‍ എല്ലാം അവസാനിച്ചതു പോലെ തോന്നി. മാനസികമായി തകര്‍ന്നു പോയതാണ് ആത്മഹത്യ എന്ന ചിന്തയിലേയ്ക്ക് നയിച്ചത്. ലളിതച്ചേച്ചി (കെപിഎസി ലളിത) തന്നെ നുണയനാക്കി എന്നുകേട്ടപ്പോള്‍ തകര്‍ന്നു. . ഇപ്പോള്‍ ചിന്തിക്കുമ്പോള്‍ അത് ലളിതച്ചേച്ചി പറഞ്ഞതാവില്ല എന്നാണ് തോന്നുന്നത്. ആരോടും ചേച്ചി സ്വന്തം വായകൊണ്ട് തന്റെ മുന്‍പില്‍ അങ്ങനെ പറഞ്ഞ് കേട്ടിട്ടില്ല. ലളിതച്ചേച്ചിയുടെ പേരില്‍ പത്രക്കുറിപ്പ് ഇറക്കുകയായിരുന്നു.
ചേച്ചിക്ക് അറിയാമല്ലോ, എന്നോട് സംസാരിച്ച കാര്യം അത് അവര്‍ മുഖത്ത് നോക്കി നിഷേധിക്കില്ല.
വളരെ പ്രതീക്ഷയോടെയാണ് അക്കാദമയില്‍ ചെന്നത്. ലിംഗ, ജാതി വിവേചനത്തോടാണ് ശക്തമായി പ്രതിഷേധിച്ചു നിന്നത്.