ബിജെപി വേദിയില്‍ കോണ്‍ഗ്രസിന് വോട്ട് അഭ്യര്‍ത്ഥിച്ച് ജ്യോതിരാദിത്യ സിന്ധ്യ

കോണ്‍ഗ്രസിലെ യുവനേതാവായി പരിഗണിക്കപ്പെട്ടിരുന്ന മധ്യപ്രദേശ് ഗ്വാളിയോര്‍ രാജകുടുംബാംഗം ജ്യോതിരാദിത്യ സിന്ധ്യ ബിജെപിയിലേക്ക് പോയത് കോണ്‍ഗ്രസിനെ ഏറെ ക്ഷീണം ചെയ്തിരുന്നു.ഇരുപതിലധികം എംഎല്‍എമാരുമായി സിന്ധ്യ പാര്‍ട്ടി വിട്ടതോടെ കമല്‍നാഥിന്റെ നേതൃത്വത്തില്‍ അധികാരത്തിലുണ്ടായിരുന്ന മദ്യപ്രദേശിലെ കോണ്‍ഗ്രസ് സര്‍ക്കാര്‍ നിലംപൊത്തി.
സിന്ധ്യയോടൊപ്പം ബിജെപിയിലേക്ക് ചേക്കേറിയ എംഎല്‍എമാര്‍ രാജിവെച്ച മണ്ഡലങ്ങളിലേക്ക് ഉപതെരഞ്ഞടുപ്പ് നടക്കുകയാണ്, ആദ്യഘട്ടത്തില്‍ പ്രചാരണത്തില്‍ നിന്ന് സിന്ധ്യയെ തഴഞ്ഞുവെങ്കിലും ഇപ്പോള്‍ അവസരം നല്‍കിയിരിക്കുകയാണ് ബിജെപി, തുടര്‍ന്ന് പ്രചാരണത്തിന് വന്ന സിന്ധ്യയാകട്ടെ വോട്ട് അഭ്യര്‍ത്ഥിച്ചത് കോണ്‍ഗ്രസിനും, പഴയ ഓര്‍മയില്‍ എല്ലാവരും കോണ്‍ഗ്രസിന്റെ കൈപ്പത്തി ചിഹ്നത്തില്‍ വോട്ട് രേഖപ്പെടുത്തണം എന്നാണ് സിന്ധ്യ പ്രസംഗിച്ചത്, അമളി തിരിച്ചറിഞ്ഞതോടെ ഉടനെ തിരുത്തിപ്പറയുകയുണ്ടായി. സിന്ധ്യക്ക് അമളി പിണഞ്ഞ വീഡിയോ പരിഹാസ കമന്റോടെ മുതിര്‍ന്ന അഭിഭാഷകന്‍ പ്രശാന്ത് ഭൂഷണ്‍ ട്വിറ്ററില്‍ പങ്കുവെച്ചു.