രാജമൗലിയുടെ പുതിയ ചിത്രം ആർ ആർ ആറിനെതിരെ ബിജെപി ഭീഷണി

എസ് എസ് രാജമൗലി പുതിയ ചിത്രം ആർ ആർ ആറിനെതിരെ ഭീഷണിയുമായി ബിജെപി നേതാവ്, തെലങ്കാനയിലെ ബിജെപി നേതാവ് ബന്ദി സജ്ജയ് ആണ് ഭീഷണിയുമായി രംഗത്ത് വന്നത്. ഹൈദരാബാദിലെ ചരിത്ര നായകനായ ഗോത്ര നേതാവ് കോമരം ഭീമിന്റെ ജീവിതകഥ അടിസ്ഥാനമാക്കി ഒരുങ്ങുന്ന ചിത്രത്തില്‍ ഭീം മുസ്‌ലിമായി എത്തുന്ന സീനിനെ വിമര്‍ശിച്ചു കൊണ്ടാണ് ഇദ്ദേഹത്തിന്റെ പ്രതികരണം. ഒക്ടോബര്‍ ആദ്യവാരം ഇറങ്ങിയ ടീസറില്‍ ഭീമിനെ അവതരിപ്പിക്കുന്ന നടന്‍ ജൂനിയര്‍ എന്‍.ടി.ആര്‍ മുസ്‌ലിങ്ങളുടെ തൊപ്പി ധരിച്ചെത്തുന്ന സീനുണ്ടായിരുന്നു. സെൻസേഷന് വേണ്ടി രാജമൗലി ഭീമിനെ തൊപ്പി ധരിപ്പിച്ചുവെന്ന് ബിജെപി നേതാവ് ആരോപിച്ചു, ഇത് ഞങ്ങൾ ഒരിക്കലും അംഗീകരിക്കില്ലെന്ന് അദ്ദേഹം പറഞ്ഞു. സീൻ നീക്കം ചെയ്തില്ലെങ്കിൽ ഗുരുതരമായ പ്രത്യാഘാതം നേരിടേണ്ടി വരുമെന്ന് ഇദ്ദേഹം മുന്നറിയിപ്പ് നൽകി.