രാകുൽ പ്രീത് സിങിന്റെ വിവാഹ സങ്കൽപ്പങ്ങൾ..!!

കല്യാണം കഴിക്കാന്‍ പോകുന്ന വരന്‍, വധു എങ്ങിനെ ഇരിക്കണം എന്നതിനെ കുറിച്ച് എല്ലാവര്‍ക്കും ഉണ്ടാവും ഓരോ സങ്കല്‍പ്പങ്ങൾ.

എന്നാല്‍ സിനിമ മേഖലയിൽ, പ്രത്യേകിച്ച് ചില നായികമാരുടെ വിവാഹ സങ്കല്‍പം ഇതില്‍ നിന്നെല്ലാം വ്യത്യസ്തമായിരിക്കും. ഓപ്പണ്‍ മൈന്റ് ആയിരിക്കണം, സിനിമയുമായി ബന്ധമില്ലാത്തവരായിരിക്കണം എന്നൊക്കെയാണ് മിക്ക നായികമാരും ആഗ്രഹിക്കുന്നത്.

എന്നാല്‍ സൗത്ത് ഇന്ത്യന്‍ നായിക രകുല്‍ പ്രീതിയുടെ ആഗ്രഹം അല്പം വ്യത്യസ്തമാണ്, താന്‍ വിവാഹം ചെയ്യാന്‍ പോവുന്ന ആള്‍ക്ക് തന്നെക്കാള്‍ ഉയരം ഉണ്ടായിരിക്കണം എന്ന നിര്‍ബന്ധമുണ്ടത്രെ.

ഞാന്‍ ഹീലുള്ള ചെരുപ്പ് ധരിച്ചാലും അദ്ദേഹത്തോളം ഉയരം എനിക്കുണ്ടാവാന്‍ പാടില്ല. പിന്നെ വിവാഹം ചെയ്യാന്‍ പോകുന്ന ആള്‍ക്ക് ജീവിതത്തോട് അഭിനിവേശവും ജീവിതത്തിന് കൃത്യമായ ഗതിയും ഉണ്ടായിരിക്കണം എന്ന ആഗ്രഹവും രകുലിനുണ്ട്.

ജീവിതത്തോട് അഭിനിവേശം ഉള്ളയാള്‍ എല്ലായ്‌പ്പോഴും സന്തോഷം കണ്ടെത്താന്‍ ശ്രമിയ്ക്കും. എപ്പോഴും ഒരു പോസിറ്റീവ് ഉണ്ടാവും. അത് കാരണം ഞാനും ഹാപ്പി ആയിരിക്കും എന്നാണ് രകുല്‍ പറയുന്നത്.

വിവാഹം ചെയ്യാന്‍ പോകുന്ന ആളെ ഞാന്‍ തന്നെ കണ്ടെത്താനാണ് രക്ഷിതാക്കളുടെ താത്പര്യം. അതിന് സമ്മര്‍ദ്ദവും ചെലുത്തുന്നുണ്ട്. എന്നാല്‍ എനിക്കിപ്പോള്‍ കല്യാണത്തെ കുറിച്ചുള്ള ആലോചനകളൊന്നും ഇല്ല എന്ന് രകുല്‍ പ്രീതി സിംഗ് വ്യക്തമാക്തി. കമല്‍ ഹസന്‍ നായകനാകുന്ന ഇന്ത്യന്‍ ടു ആണ് രകുലിന്റെ പുതിയ ചിത്രം.