എന്തുകൊണ്ട് അല്ലു അര്‍ജുന്റെ ‘ബുട്ട ബൊമ്മ’..!!

ദേശത്തിന്റെയും ഭാഷയുടേയും എല്ലാം അതിര്‍വരമ്പുകളും ഭേദിച്ച് ചില ഗാനങ്ങള്‍ ആസ്വാദക ഹൃദയങ്ങള്‍ കീഴടക്കും. കാലങ്ങള്‍ ഏറെ പിന്നിട്ടാലും അത്തരം പാട്ടുകള്‍ പ്രേക്ഷക മനസ്സില്‍ നിന്നും വിട്ടുപോകില്ല താനും.

തെന്നിന്ത്യയില്‍ ഏറെ ആരാധകരുള്ള അല്ലു അര്‍ജുന്‍ പ്രധാന കഥാപാത്രമായെത്തിയ ‘അല വൈകുണ്ഠപുരമുലോ’ എന്ന ചിത്രത്തിലേതാണ് 'ബുട്ട ബൊമ്മ' ഗാനം. പാട്ട് പ്രേമികള്‍ക്കൊപ്പം തന്നെ ഡാന്‍സ് പ്രേമികള്‍ക്കിടയിലും മികച്ച സ്വീകാര്യത നേടിയിരുന്നു ഈ ഗാനം. ദൃശ്യഭംഗിയിലും ഈ ഗാനം ഏറെ മികച്ചു നില്‍ക്കുന്നു.

മലയാളികളുടെ പ്രിയതാരം ജയറാമും ‘അല വൈകുണ്ഠപുരമുലോ’ എന്ന ചിത്രത്തില്‍ ഒരു പ്രധാന കഥാപാത്രമായെത്തി. ജയറാമിന് പുറമെ മലയാളി താരം ഗോവിന്ദ് പത്മസൂര്യയെയും ചിത്രത്തില്‍ അഭിനയിച്ചിരുന്നു.