ബിലാലിൽ വില്ലനായെത്തുന്നത് ജോൺ എബ്രഹാമല്ല: പ്രചരിക്കുന്ന വാർത്തകൾ അടിസ്ഥാനരഹിതം

അമൽ നീരദ് സംവിധാനം ചെയ്യുന്ന ചിത്രമായ ബിഗ് ബിയുടെ രണ്ടാം ഭാഗം ബിലാലിൽ ബോളിവുഡ് താരം ജോൺ എബ്രഹാം വില്ലനാകുമെന്ന വാർത്തകൾ അടിസ്ഥാനരഹിതം. ചിത്രത്തിന്റെ അണിയറപ്രവർത്തകർ തന്നെയാണ് ആരോപണത്തിൽ വ്യക്തത വരുത്തിയിരിക്കുന്നത്.

ബിലാൽ ടീമിന്റെ അണിയറപ്രവർത്തകരിൽ ഒരാളാണ് എന്ന് അവകാശപ്പെട്ടു കൊണ്ട് സ്വകാര്യ വ്യക്തി എഴുതിയ കുറിപ്പിലാണ് ജോൺ എബ്രഹാം വില്ലനായെത്തുന്ന കാര്യങ്ങൾ പരാമർശിച്ചിട്ടുള്ളത്.എന്നാൽ ഇതു സംബന്ധിച്ച് സിനിമയോടു ഏറ്റവുമടുത്ത വൃത്തങ്ങളോട് അന്വേഷിച്ചപ്പോഴാണ് കുറിപ്പ് വസ്തുതാവിരുദ്ധമാണെന്ന് കണ്ടെത്തിയത്.