ഹേ സിനാമികയുടെ സംവിധായക ബൃന്ദ മാസ്റ്റര്‍ക്കുള്ള സ്‌നേഹ കുറിപ്പുമായി അദിതി റാവു

നൃത്തം ഇഷ്ടപ്പെടുന്നവര്‍ക്ക് സുപരിചിതമായിരിക്കും ഈ പേര്. നൃത്ത സംവിധായക എന്ന പേരിലും എന്ന നിലയിലുമാണ് ബൃന്ദ മാസ്റ്റര്‍ ശ്രദ്ധേയമായത്. ഹേ സിനാമിക എന്ന ചിത്രത്തിലൂടെ സംവിധായികയാകുകയാണ് ബൃന്ദ മാസ്റ്റര്‍. ചിത്രത്തിന്റെ ഫോട്ടോകള്‍ ഓണ്‍ലൈനില്‍ തരംഗമായിരുന്നു. ഇപ്പോഴിതാ ബൃന്ദാ മാസ്റ്ററും അദിതി റാവുവും ഒന്നിച്ചുള്ള ഫോട്ടോയാണ് ചര്‍ച്ചയാകുന്നത്. അദിതി റാവു തന്നെയാണ് ഫോട്ടോ ഷെയര്‍ ചെയ്തിരിക്കുന്നത്. ബൃന്ദാ മാസ്റ്ററെ കുറിച്ച് ഒരു കുറിപ്പും അദിതി റാവു എഴുതിയിരിക്കുന്നു.
ബൃന്ദ മാസ്റ്ററെ വളരെയധികം സ്‌നേഹിക്കാന്‍ എല്ലാവര്‍ക്കും ഓരോ കാരണങ്ങളുണ്ട്. നൃത്തസംവിധായിക, സംവിധായകന്‍, മകള്‍, സഹോദരി, സുഹൃത്ത്, ഭാര്യ, അമ്മ. ഏറ്റവും പ്രധാനമായി നല്ല ഹൃദയമുള്ള സൂപ്പര്‍ ഹ്യൂമന്‍. (അവര്‍ക്ക് വേണ്ട ഷോട്ട് ലഭിക്കുന്നതുവരെ അവള്‍ നിങ്ങളെ പോകാന്‍ അനുവദിക്കില്ല) എന്നെ തെരഞ്ഞെടുത്തതിന് നന്ദി. ലവ് യു ബൃന്ദ മാസ്റ്റര്‍ എന്നാണ് അദിതി റാവു എഴുതിയിരിക്കുന്നത്.ദുല്‍ഖര്‍ ആണ് ഹേ സിനാമികയിലെ നായകന്‍. ദുല്‍ക്കറിനൊപ്പം അദിതി റാവു നായികയായി എത്തുന്നുമുണ്ട്.