തമിഴില്‍ അഭിനയിക്കാത്തതിന് കാരണമുണ്ട് : വെളിപ്പെടുത്തലുമായി കുഞ്ചാക്കോ ബോബന്‍

മലയാളത്തില്‍ ഇന്നും ചോക്ലറ്റ് ബോയ് പരിവേഷമുള്ള നടനാണ് കുഞ്ചാക്കോ ബോബന്‍.ഫാസില്‍ സംവിധാനം ചെയ്ത അനിയത്തിപ്രാവ് എന്ന തന്റെ ആദ്യ ചിത്രത്തിലൂടെ തന്നെ മലയാളി മനസുകളില്‍ ഇടം നേടിയ നടന്‍.മലയാളത്തില്‍ മാത്രമല്ല തമിഴില്‍ നിന്നുള്ള അവസരങ്ങളും ചാക്കോച്ചനെ തേടിയെത്തിയിരുന്നു. എന്നാല്‍ അദ്ദേഹം സ്വീകരിച്ചിരുന്നില്ല.ഇപ്പോഴിതാ അതിന് പിന്നിലെ കാരണത്തെക്കുറിച്ചു തുറന്നു പറഞ്ഞിരിക്കുകയാണ് അദ്ദേഹം. ''ആ സമയത്ത് എനിക്ക് ഒരുപാട് തമിഴ് സിനിമകള്‍ വന്നു, പക്ഷെ എന്റെ സ്വകാര്യ ജീവിതത്തില്‍ ഒരു പ്രൈവസി വേണമെന്ന ചിന്തയാല്‍ ഞാന്‍ അതൊക്കെ ഉപേക്ഷിച്ചു.ഇപ്പോള്‍ ചിന്തിക്കുന്‌പോള്‍ അതൊക്കെ മണ്ടത്തരമായി തോന്നാമെന്നുമായിരുന്നു താരം പറഞ്ഞത്.
മലയാളത്തില്‍ താരമായി തിളങ്ങിയപ്പോള്‍ അന്യഭാഷയില്‍ നിന്നും നിരവധി മികച്ച അവസരങ്ങളായിരുന്നു പലര്‍ക്കും ലഭിച്ചത്.അഭിനയിക്കാനറിയില്ലെന്ന് പറഞ്ഞ് മലയാള സിനിമ തഴഞ്ഞവര്‍ അന്യഭാഷയില്‍ മിന്നും താരമായി മാറിയ ചരിത്രവുമുണ്ട്' എന്നും കുഞ്ചാക്കോ ബോബന്‍ പറഞ്ഞു.