‘ഇതൊന്നും അത്ര വലിയ കാര്യമല്ല, ഫോണ്‍ ഓഫാക്കിയാല്‍ തീരുന്നതേയുള്ളൂ’; സൈബര്‍ ആക്രമണത്തില്‍ അഹാന കൃഷ്ണ

സമൂഹമാധ്യമങ്ങളില്‍ സജീവമായ താരമാണ് നടി അഹാന കൃഷ്ണകുമാര്‍. താരത്തിന്റെ മിക്ക പോസ്റ്റുകളും പ്രതികരണങ്ങളും സോഷ്യല്‍ മീഡിയയില്‍ ചര്‍ച്ചയും ട്രോളുകളുമാവാറുണ്ട്. തനിക്കെതിരെ വരുന്ന സൈബര്‍ ആക്രമണം സംബന്ധിച്ച് നേരത്തെ ലവ് ലെറ്റര്‍ ടു സൈബര്‍ ബുള്ളീസ് എന്ന പേരില്‍ ഒരു വീഡിയോയും അഹാന പുറത്തിറക്കിയിരുന്നു. ഇപ്പോള്‍ എങ്ങനെയാണ് താന്‍ സൈബര്‍ അധിക്ഷേപങ്ങളോട് പ്രതികരിക്കാറെന്ന് വ്യക്തമാക്കിയിരിക്കുകയാണ് അഹാന. 'സോഷ്യല്‍ മീഡിയയിലെ ഈ തെറിവിളി പരിപാടികളൊക്കെ ഇപ്പോള്‍ ഒരു ട്രെന്‍ഡാണ്. പ്രത്യേകിച്ച് തക്കതായ ഒരു കാരണമില്ലെങ്കിലും തെറിവിളിക്കാന്‍ കുറെ ആളുകള്‍ ബസ് പിടിച്ച്‌കേറി വരും. ഞാനൊക്കെ തുടക്കകാരാണ്. പക്ഷേ എത്രയോ വലിയ ആളുകളെ ഒരു ദിവസം കൊണ്ട് ആളുകള്‍ തെറിവിളിക്കുന്നു. എന്നാല്‍ ഇതെല്ലാം രണ്ട് ദിവസം കൊണ്ട് ആളുകള്‍ മറക്കുന്നു. ഇതൊന്നും വലിയ കാര്യമാക്കേണ്ട കാര്യമല്ല. എന്തൊക്കെ പറഞ്ഞാലും ഇത് ഒരു ഫോണ്‍ ഓഫാക്കിയാല്‍ തീരുന്ന പ്രശ്നമുള്ളു. നമുക്ക് കാര്യം മനസിലായി കഴിഞ്ഞാല്‍ പിന്നീട് ഒന്നും തോന്നില്ല' അഹാന കൃഷ്ണ ആദ്യമായി സംവിധാനം ചെയ്ചത തോന്നല്‍ എന്ന മ്യൂസിക്ക് ആല്‍ബം യൂട്യൂബില്‍ വമ്പന്‍ ഹിറ്റായിരിക്കുന്നു. ഇതിന് വലിയ പ്രതികരണങ്ങളാണ് സോഷ്യല്‍ മീഡിയയില്‍ ലഭിക്കുന്നത്. ഷറഫുവിന്റെ വരികള്‍ക്ക് ഗോവിന്ദ് വസന്ദയാണ് സംഗീതം നല്‍കിയിരിക്കുന്നത്. ഹനിയ നഫീസയാണ് ഗാനം ആലപിച്ചത്.