മമ്മൂട്ടി- ലിജോ ജോസ് പെല്ലിശ്ശേരി ചിത്രം ‘നന്‍പകല്‍ നേരത്ത് മയക്കം’; നിര്‍മ്മാണം ‘മമ്മൂട്ടി കമ്പനി’

മമ്മൂട്ടിയും ലിജോ ജോസ് പെല്ലിശ്ശേരിയും ഒന്നിക്കുന്ന പുതിയ ചിത്രം 'നന്‍പകല്‍ നേരത്ത് മയക്കം' ആരംഭിച്ചു. 'മമ്മൂട്ടി കമ്പനി'യുടെ ബാനറില്‍ മമ്മൂട്ടി തന്നെയാണ് ചിത്രം നിര്‍മ്മിക്കുന്നത്. പുതിയ ബാനറിന്റെ ആദ്യ നിര്‍മ്മാണ സംരംഭം കൂടെയാണ് നന്‍പകല്‍ നേരത്ത് മയക്കം. ലിജോയുടെ കഥയ്ക്ക് എസ് ഹരീഷാണ് തിരക്കഥയും സംഭാഷണവും ഒരുക്കുന്നത്. നിര്‍മ്മാതാവ് ജോര്‍ജാണ് ചിത്രം ആരംഭിച്ചതായി സമൂഹ മാധ്യമങ്ങളിലൂടെ അറിയിച്ചത്. നെറ്റ്ഫ്ളിക്സ് നിര്‍മ്മിക്കുന്ന എം.ടി വാസുദേവന്‍ നായര്‍ കഥകളെ ആധാരമാക്കിയുള്ള ആന്തോളജിയിലെ ലിജോ ജോസ് പെല്ലിശേരി ചിത്രത്തിലും മമ്മൂട്ടിയാണ് നായകന്‍. അതേസമയം ഭീഷ്മപര്‍വ്വം, പുഴു എന്നീ ചിത്രണങ്ങളാണ് മമ്മൂട്ടിയുടേതായി റിലീസിനായി ഒരുങ്ങുന്ന ചിത്രങ്ങള്‍. ലിജോ ചിത്രത്തിന് പിന്നാലെ താരം സിബിഐ അഞ്ചാം ഭാഗത്തില്‍ ജോയിന്‍ ചെയ്യും. കെ മധു സംവിധാനം ചെയ്യുന്നാണ് ചിത്രത്തിന്റെ തിരക്കഥ ഒരുക്കുന്നത് എസ് എന്‍ സ്വാമിയാണ്.