മഞ്ജു വാര്യര്‍, സൗബിന്‍ ചിത്രം ‘വെള്ളരിക്കാപട്ടണം’; ചിത്രീകരണം ആരംഭിച്ചു

മഞ്ജുവാര്യര്‍, സൗബിന്‍ സാഹിര്‍ എന്നിവരെ കേന്ദ്ര കഥാപാത്രങ്ങളാക്കി മഹേഷ് വെട്ടിയാര്‍ സംവിധാനം ചെയ്യുന്ന ചിത്രം 'വെള്ളരിക്കാപട്ടണം' ചിത്രീകരണം ആരംഭിച്ചു. മാവേലിക്കര വെട്ടിയാര്‍ പള്ളിയറക്കാവ് ദേവീക്ഷേത്രത്തിലായിരുന്നു ചിത്രത്തിന്റെ പൂജ. മഞ്ജു വാര്യര്‍ ദീപം തെളിയിച്ചു. എംഎല്‍എ എംഎസ് അരുണ്‍കുമാര്‍ സ്വിച്ച് ഓണ്‍ കര്‍മ്മം നിര്‍വഹിച്ചു. മഞ്ജുവിനും സൗബിനും പുറമെ സലീം കുമാര്‍, സുരേഷ് കൃഷ്ണ, കൃഷ്ണ ശങ്കര്‍, ഇടവേള ബാബു അഭിരാമി ഭാര്‍ഗവന്‍, കോട്ടയം രമേശ്, വീണ നായര്‍, ശ്രീകാന്ത് വെട്ടിയാര്‍ എന്നിവരും ചിത്രത്തില്‍ മറ്റ് കഥാപാത്രങ്ങളെ അവതരിപ്പിക്കുന്നു. ചിത്രത്തിന്റെ രചന നിര്‍വഹിക്കുന്നത് സംവിധായകന്‍ മഹേഷ് വെട്ടിയാരും മാധ്യമപ്രവര്‍ത്തകനായ ശരത് കൃഷ്ണയും ചേര്‍ന്നാണ്. അലക്സ് ജെ പുളിക്കലാണ് ഛായാഗ്രഹണം. അപ്പുഭട്ടതിരിയും അര്‍ജുന്‍ ബെന്നും ചേര്‍ന്നാണ് എഡിറ്റിംങ് നിര്‍വഹിക്കുന്നത്. മധു വാസുദേവനും വിനായക് ശശിരുമാറുമാണ് ഗാനങ്ങല്‍ രചിക്കുന്നത്. സച്ചിന്‍ ശങ്കര്‍ മന്നത്താണ് സംഗീത സംവിധാനം. ചിത്രത്തിന്റെ നിര്‍മ്മാണം ഫുള്‍ ഓഫ് സ്റ്റുഡിയോസാണ്.