ബോക്‌സറായി മോഹന്‍ലാല്‍; പരിശീലന വീഡിയോ

സിനിമയുടെയും സ്വകാര്യ ജീവിതത്തിലെയും വിശേഷങ്ങള്‍ ആരാധകര്‍ക്കായി പങ്കുവയ്ക്കാറുള്ള താരങ്ങളില്‍ ഒരാളാണ് മോഹന്‍ലാല്‍. ഇപ്പോള്‍ താരം ബോക്സിങ് പരിശീലനം നടത്തുന്ന വീഡിയോയാണ് സോഷ്യല്‍ മീഡിയയില്‍ വൈറലാകുന്നത്. വെല്‍നസ് ട്രെയിലര്‍ ആയ ജയ്സണ്‍ പോള്‍സണ്‍ ആണ് ഇന്‍സ്റ്റഗ്രാമിലൂടെ വീഡിയോ പങ്കുവച്ചിരിക്കുന്നത്. പ്രിയദര്‍ശനും മോഹന്‍ലാലും ഒന്നിക്കുന്ന സ്പോര്‍ട്സ് ഡ്രാമ വിഭാഗത്തില്‍ ഒരുങ്ങുന്ന ചിത്രത്തിന് വേണ്ടിയാണ് ബോക്സിങ് പരിശീലനം എന്നാണ് റിപ്പോര്‍ട്ടുകള്‍. മോഹന്‍ലാലും താനും ചേര്‍ന്ന് എല്ലാത്തരത്തിലുമുള്ള സിനിമകള്‍ ചെയ്തിട്ടുണ്ടെന്ന് പ്രിയദര്‍ശന്‍ മുമ്പ് പറഞ്ഞിരുന്നു. എന്നാല്‍ ഞങ്ങള്‍ ഒരു സ്പോര്‍ട്സ് സിനിമ ചെയ്തിട്ടില്ല. ചിത്രത്തിന് വേണ്ടി ലാല്‍ ആദ്യം 15 കിലോ ശരീര ഭാരം കുറക്കണം. പിന്നീട് അത് തിരിച്ചു പിടിക്കണം. അതി കൂടാതെ പത്ത് കിലോ കൂട്ടുകയും വേണം. ശരീര ഭംഗി നഷ്ടപ്പെട്ട, പ്രായമാകുന്ന ഭാഗം അവതരിപ്പിക്കാനാണ് ഭാരം കൂട്ടേണ്ടി വരിക. അദ്ദേഹത്തിന് അത് സാധിക്കും മോഹന്‍ലാലിന് ചെയ്യാന്‍ പറ്റാത്തതായി എന്തെങ്കിലുമുണ്ടോ പ്രിയദര്‍ശന്‍ കൂട്ടിച്ചേര്‍ത്തു. മരക്കാര്‍ അറബിക്കടലിന്റെ സിംഹം എന്ന ചിത്രത്തിന്റെ ഒടിടി റിലീസ് പ്രഖ്യാപത്തിന് വാര്‍ത്താ സമ്മേളനത്തില്‍ നിര്‍മ്മാതാവ് ആന്റണി പെരുമ്പാവൂര്‍ ഈ ചിത്രത്തെക്കുറിച്ച് സൂചിപ്പിച്ചിരുന്നു. ആശിര്‍വാദ് സിനിമാസാണ് ചിത്രത്തിന്റെ നിര്‍മ്മാണം.