ദൂരുഹതകളുമായി ഉടുമ്പിന്റെ രണ്ടാം ടീസര്‍ പുറത്ത്

കണ്ണന്‍ താമരക്കുളം സംവിധാനം ചെയ്ത ചിത്രം ഉടുമ്പിന്റെ രണ്ടാമത്തെ ടീസറും പുറത്തിറങ്ങി. പ്രേക്ഷകരെ മുള്‍മുനയില്‍ നിര്‍ത്തുന്ന രീതിയിലാണ് സിനിമയുടെ ടീസര്‍ ഒരുക്കിയിരിക്കുന്നത്. ഒരുപാട് ദൂരുഹതകള്‍ ഒളിപ്പിച്ചുവെച്ചത് ടീസറില്‍ നിന്നും വ്യക്തമാകുന്നു. ഒരു ത്രില്ലര്‍ ചിത്രമാണ് ഉടുമ്പ്. ചിത്രത്തിന്റെ ആദ്യടീസറിനും ഫസ്റ്റ് ലുക്ക് പോസ്റ്ററിനും ഏറെ പ്രേക്ഷക സ്വീകാര്യത ലഭിച്ചിരുന്നു. മലയാള സിനിമയില്‍ അധികം കാണാത്ത ഒരു വിഭാഗമാണിത്. ദുരൂഹതകള്‍ നിറഞ്ഞതാണ് ചിത്രത്തിന്റെ ടീസറും. പുറത്തിറങ്ങി നിമിഷങ്ങള്‍ക്കുള്ളില്‍ മികച്ച പ്രേക്ഷക പ്രതികരണമാണ് ഉടുമ്പിന്റെ ടീസറിന് ലഭിച്ചുകൊണ്ടിരിക്കുന്നത്. എറണാകുളം, തിരുവനന്തപുരം എന്നിവടങ്ങളാണ് ചിത്രത്തിന്റെ പ്രധാന ലൊക്കേഷന്‍. ചിത്രത്തിന്റെ ഷൂട്ടിംഗ് പുരോഗമിച്ചുവരികയാണ്. കണ്ണന്റെ സംവിധാനത്തിലെ പട്ടാഭിരാമന്‍, മരട് 357 എന്നീ ചിത്രങ്ങളിലൂടെ ശ്രദ്ധേയനായ ഛായാഗ്രാഹകന്‍ രവിചന്ദ്രന്‍ ഛായാഗ്രഹണം നിര്‍വഹിക്കുമ്പോള്‍ സാനന്ദ് ജോര്‍ജ് ഗ്രേസ് ആണ് സംഗീത സംവിധാനം. നവാഗതരായ അനീഷ് സഹദേവന്‍, ശ്രീജിത്ത് ശശിധരന്‍ എന്നിവര്‍ ചേര്‍ന്നാണ് തിരക്കഥ ഒരുക്കിയിരിക്കുന്നത്. 24 മോഷന്‍ ഫിലിംസും കെ.ടി മൂവി ഹൗസും ചേര്‍ന്നാണ് ചിത്രം നിര്‍മ്മിക്കുന്നത്. പ്രശസ്ത പ്രൊഡക്ഷന്‍ കണ്‍ട്രോളര്‍ ബാദുഷ ചിത്രത്തിന്റെ ലൈന്‍ പ്രൊഡ്യൂസറാവുന്നു. നിരവധി ചിത്രങ്ങളിലൂടെ ശ്രദ്ധേയനായ വി.ടി ശ്രീജിത്താണ് എഡിറ്റര്‍. വൈലന്‍സിന് ഏറെ പ്രാധാന്യമുള്ള ചിത്രത്തില്‍ ബ്രൂസ്ലീ രാജേഷ്, ശക്തി ശരവണന്‍ എന്നിവര്‍ ആക്ഷന്‍ കൈകാര്യം ചെയ്യുന്നു. പ്രസന്ന സുജിത്ത്, ഷിജു മുപ്പത്തേടം, ശ്രീജിത്ത് ശിവനന്ദന്‍ എന്നിവര്‍ ചേര്‍ന്നാണ് കൊറിയോഗ്രഫി ചെയ്തിരിക്കുന്നത്. കലാ സംവിധാനം സഹസ് ബാല, അസോസിയേറ്റ് ഡയറക്ടര്‍ സുരേഷ് ഇളമ്പല്‍, പ്രൊഡക്ഷന്‍ കണ്‍ഡ്രോളര്‍ അഭിലാഷ് അര്‍ജുന്‍, ഗാനരചന രാജീവ് ആലുങ്കല്‍, മേക്കപ്പ് പ്രദീപ് രംഗന്‍, കോസ്റ്റ്യൂം സുല്‍ത്താന റസാഖ്, സ്റ്റില്‍സ് ശ്രീജിത്ത് ചെട്ടിപ്പടി, പി.ആര്‍.ഒ പി. ശിവപ്രസാദ്, സുനിത സുനില്‍ എന്നിവരാണ് മറ്റ് അണിയറ പ്രവര്‍ത്തകര്‍. ഫെബ്രുവരിയോടെ ചിത്രം റിലീസിനെത്തിക്കാനാണ് അണിയറ പ്രവര്‍ത്തകരുടെ ശ്രമം. കൊവിഡ് മഹാമാരിക്ക് ശേഷം തുറന്ന തിയേറ്ററുകളെ സജീവമാക്കാന്‍ 'ഉടുമ്പ് ' സഹായിക്കുമെന്ന പ്രതീക്ഷയിലാണ് അണിയറ പ്രവര്‍ത്തകര്‍.