കമല്‍ ഹാസന്‍ മാറി നിന്നു; ‘ബിഗ് ബോസാ’യി രമ്യ കൃഷ്ണ

ബിഗ് ബോസ് സീസണ്‍ 5ല്‍ കമല്‍ ഹാസന് പകരമായി രമ്യ കൃഷ്ണ എത്തും. കമല്‍ ഹാസന് കോവിഡ് ബാധിച്ചതിനെ തുടര്‍ന്നാണ് താല്‍ക്കാലികമായി രമ്യ പ്രോഗ്രാം അവതരിപ്പിക്കുക. 2017ല്‍ ബിഗ്ബോസിന്റെ ആരംഭം മുതല്‍ തന്നെ കമല്‍ ഹാസന്‍ തന്നെയായാകുന്നു പരിപാടിയെ നയിച്ചിരുന്നത്. ഇതിന് മുമ്പ് ബിഗ് ബോസ് തെലുങ്കിലെ അവതാകരനായ നാഗാര്‍ജുനക്ക് പകരമായി രമ്യ പരിപാടി അവതരിപ്പിച്ചിരുന്നു. അതേസമയം, കമല്‍ ഹാസന്‍ കോവിഡ് ബാധിച്ച് ചികിത്സയില്‍ കഴിയുകയാണ്. താരത്തിന്റെ ആരോഗ്യ നില തൃപ്തികരമാണെന്ന് നടിയും മകളുമായ ശ്രുതി ഹാസന്‍ അറിയിച്ചിരുന്നു. 'അദ്ദേഹത്തിന്റെ ആരോഗ്യത്തിനായുള്ള നിങ്ങളുടെ എല്ലാവരുടെയും ആശംസകള്‍ക്കും പ്രാര്‍ത്ഥനകള്‍ക്കും നന്ദി. സുഖം പ്രാപി്ച്ചുവരികയാണ്. ഉടന്‍ തന്നെ എല്ലാവരുമായും സംവദിക്കും കാത്തിരിക്കു' എന്നാണ് ശ്രുതി ഹാസന്‍ ട്വിറ്റ് ചെയ്തിരുന്നത്. അടുത്തിടെയാണ് താരത്തിന് കൊവിഡ് സ്ഥിരീകരിച്ചത്. അമേരിക്കയിലെ യാത്ര കഴിഞ്ഞ് തിരിച്ചെത്തിയപ്പോള്‍ ശാരീരിക അസ്വസ്ഥകളെ തുടര്‍ന്ന് ചെന്നൈയിലെ സ്വകാര്യ ആശുപത്രിയില്‍ പ്രവേശിപ്പിക്കുകയായിരുന്നു. കൊവിഡ് പോസിറ്റിവായ വിവരം കമല്‍ ഹാസന്‍ തന്നെയാണ് സോഷ്യല്‍ മീഡിയ വഴി പങ്കുവെച്ചത്.