‘നീലരാവില്‍ ഇന്നും നിന്റെ താരഹാരമിളകുന്നു’; മോനിഷയുടെ ഓര്‍മ്മയില്‍ മനോജ് കെ ജയന്‍

മലയാളികളുടെ എക്കാലത്തെയും പ്രിയപ്പെട്ട നടിയാണ് മോനിഷ. താരം വിട പറഞ്ഞിട്ട് 29 വര്‍ഷം പൂര്‍ത്തിയാവുകയാണ്. ഇപ്പോള്‍ മോനിഷയുടെ ഓര്‍മ്മ പങ്കുവക്കുകയാണ് മടന്‍ മനോജ് കെ ജയന്‍. ഇരുവരും അഭിനയിച്ചിട്ടുള്ള ചിത്രത്തലെ ഗാനത്തില്‍ നിന്നുള്ള ഒരു വരിയും ഒരുമിച്ചുള്ള ഫോട്ടോയും മനോജ് മോനിഷയുടെ ഓര്‍മ്മ ദിവസത്തില്‍ പങ്കുവച്ചിട്ടുണ്ട്. 'നീലരാവില്‍ ഇന്നും നിന്റെ താരഹാരമിളകുന്നു. പ്രിയ സുഹൃത്തേ മോനിഷാ ദീപ്തമായ സ്മരണകളോടെ പ്രണാമം' എന്ന് മനോജ് കെ ജയന്‍ ഫേസ്ബുക്കില്‍ കുറിച്ചു. 'കുടുംബസമേതം' എന്ന ചിത്രത്തിലാണ് ഇരുവരും ഒരുമിച്ച് അഭിനയിച്ചിട്ടുള്ളത്. ജയരാജാണ് ചിത്രത്തിന്റെ സംവിധാനം. മധു, മണിയന്‍പിള്ള രാജു, നരേന്ദ്ര പ്രസാദ്, ശ്രീവിദ്യ എന്നിവരാണ് ചിത്രത്തിലെ മറ്റ് കഥാത്രങ്ങളെ അവതരിപ്പിച്ചത്. സിനിമ ഇറങ്ങി മാസങ്ങള്‍ക്ക് ശേഷമാണ് മോനിഷയുടെ അപകട മരണം. 1992ലാണ് കാര്‍ അപകടത്തില്‍ മോനിഷ മരിക്കുന്നത്. തിരുവന്തപുരത്തു നിന്ന് എറണാകുളത്ത് പോകതുമ്പോഴായിരുന്നു അപകടം സംഭവിച്ചത്. തലക്കേറ്റ ക്ഷതം മൂലം മോനിഷ സംഭവസ്ഥലത്ത് തന്നെ മരിക്കുകയായിരുന്നു.