ഡ്രോപ്പ് ചെയ്തിട്ടില്ല; വിശാലിന്റെ ‘തുപ്പറിവാളന്‍ 2’ 2022ല്‍ തുടങ്ങും

വിശാല്‍ നായകനാകുന്ന 'തുപ്പറിവാളന്‍ 2'ന്റെ ചിത്രീകരണം 2022 ഏപ്രില്‍ ആരംഭിക്കും. വിശാല്‍ തന്നെയാണ് ഇക്കാര്യം സമൂഹ മാധ്യമങ്ങളിലൂടെ അറിയിച്ചത്. ചിത്രത്തിന്റെ പോസ്റ്ററും താരം പങ്കുവെച്ചിട്ടുണ്ട്. വിശാലിനെ നായകനാക്കി മിഷ്‌കിന്‍ 2017ല്‍ സംവിധാനം ചെയ്ത തുപ്പറിവാളന്‍ എന്ന സിനിമയുടെ രണ്ടാം ഭാഗമാണ് തുപ്പറിവാളന്‍ 2. സിനിമയുടെ ചിത്രീകരണം ലണ്ടനില്‍ ആയിരിക്കും. കനിയന്‍ പൂങ്കുണ്ട്രന്‍ എന്ന പ്രൈവറ്റ് ഇന്‍വെസ്‌റിഗേറ്റര്‍ ആയാണ് എത്തുന്നത്. വിശാല്‍ തന്നെയാണ് ചിത്രം സംവിധാനം ചെയ്യുന്നത്. നേരത്തെ മിഷ്‌കിന്‍ ആയിരുന്നു ചിത്രം സംവിധാനം ചെയ്യാനിരുന്നത്. എന്നാല്‍ സിനിമയുടെ ബജറ്റിനെ ചൊല്ലി വിശാലും മിഷ്‌കിനും അഭിപ്രായ വ്യത്യാസങ്ങളുണ്ടായി. തുടര്‍ന്നാണ് വിശാല്‍ സംവിധായകന്റെ തൊപ്പി അണിയാന്‍ തീരുമാനമായത്. വിശാലിന് പുറമെ പ്രസന്ന, റഹ്‌മാന്‍, മുന്ന സൈമണ്‍ തുടങ്ങിയവരും ചിത്രത്തില്‍ പ്രധാന കഥാപാത്രങ്ങളെ അവതരിപ്പിക്കുന്നുണ്ട്. ഇളയരാജയാണ് സംഗീതം ഒരുക്കുന്നത്.