ശിവകാര്‍ത്തികേയന്റെ തെലുങ്ക് അരങ്ങേറ്റം; നായിക ഹോളിവുഡില്‍ നിന്ന്?

കുറഞ്ഞ കാലം കൊണ്ട് തന്നെ പ്രേക്ഷകരുടെ മനസ്സില്‍ ഇടം നേടാന്‍ സാധിച്ച നടനാണ് ശിവകാര്‍ത്തികേയന്‍. നടന്‍ നായകനായ പുതിയ ചിത്രം ഡോക്ടര്‍ മികച്ച വിജയവും കരസ്ഥമാക്കിയിരുന്നു. ഇപ്പോഴിതാ നടന്‍ നായകനാകുന്ന പുതിയ തെലുങ്ക് ചിത്രത്തെക്കുറിച്ചുള്ള പുതിയ വാര്‍ത്തയാണ് സോഷ്യല്‍ മീഡിയില്‍ ചര്‍ച്ചയാകുന്നത്. ചിത്രത്തിലെ നായിക ഹോളിവുഡില്‍ നിന്നായിരിക്കും നായിക എന്നാണ് ദേശീയ മാധ്യമങ്ങള്‍ റിപ്പോര്‍ട്ട് ചെയ്യുന്നത്. ടൂറിസ്റ്റ് ആയി ഹൈദരാബാദില്‍ എത്തുന്ന ഒരു അമേരിക്കന്‍ യുവതിയും നായകനുമായി ഉണ്ടാകുന്ന പ്രണയമാണ് സിനിമയുടെ ഇതിവൃത്തം. അനുദീപാണ് ചിത്രം സംവിധാനം ചെയ്യുന്നത്. അതേസമയം ശിവകാര്‍ത്തികേയന്‍ നായകനാകുന്ന പുതിയ ചിത്രം ഡോണിന്റെ ചിത്രീകരണം കഴിഞ്ഞ ദിവസം പൂര്‍ത്തിയായിരുന്നു. സിബി ചക്രവര്‍ത്തി സംവിധാനം ചെയ്യുന്ന ചിത്രം ആക്ഷന്‍- കോമഡി വിഭാഗത്തില്‍ പെടുന്ന ചിത്രമാണ്. ശിവ കാര്‍ത്തികേയനും ലൈക്ക പ്രൊഡക്ഷന്‍സും ചേര്‍ന്നാണ് ചിത്രം നിര്‍മ്മിക്കുന്നത്. എസ് ജെ സൂര്യ, പ്രിയങ്ക, സമുദ്രകിനി, സൂരി തുടങ്ങിയവര്‍ ചിത്രത്തിലെ മറ്റു പ്രധാന കഥാപാത്രങ്ങളെ അവതരിപ്പിക്കുന്നു. സംവിധായകന്‍ ഗൗതം മേനോനും ചിത്രത്തില്‍ ഒരു ശ്രദ്ധയമായ വേഷത്തില്‍ എത്തുന്നുണ്ട്. അനിരുദ്ധാണ് ചിത്രത്തിനായി സംഗീതം നിര്‍വഹിക്കുന്നത്.