“താന്‍ ഇവിടെ തന്നെയുണ്ടെന്ന് സുപ്രീംകോടതിയോട് പറയൂ…” : ജസ്റ്റിസ് കര്‍ണ്ണന്‍ !

താന്‍ ചെന്നൈയില്‍ തന്നെയുണ്ടെന്ന്‌ ജസ്റ്റിസ് കര്‍ണന്‍ . അഭിഭാഷകന്‍ മുഖേന സുപ്രീംകോടതിയെ ഇക്കാര്യം അറിയിച്ചു. തനിക്കെതിരായ ഉത്തരവ് പിന്‍വലിക്കണമെന്ന ആവശ്യവുമായാണ് ജസ്റ്റിസ് കര്‍ണന്‍ സുപ്രീംകോടതിയെ സമീപിച്ചിരിക്കുന്നത്.

കോടതിയലക്ഷ്യക്കേസില്‍ സുപ്രീംകോടതി ആറുമാസം തടവിന് ശിക്ഷിച്ച കൊല്‍ക്കത്ത ഹൈക്കോടതി ജഡ്ജി സി.എസ് കര്‍ണന്‍ രാജ്യം വിട്ടുവെന്ന റിപ്പോര്‍ട്ടുകള്‍ തള്ളുന്നുവെന്നും അദ്ദേഹത്തിന്റെ അഭിഭാഷകന്‍ സുപ്രീംകോടതിയില്‍ വ്യക്തമാക്കി.

കൊല്‍ക്കത്ത ഹൈക്കോടതി ചീഫ് ജസ്റ്റീസ് സി എസ് കര്‍ണന് വേണ്ടി കൊല്‍ക്കത്ത പോലീസ് വന്‍ തെരച്ചില്‍ നടത്തുമ്പോള്‍ അദ്ദേഹം ഇന്ത്യ വിട്ടിരിക്കാനുള്ള സാധ്യത വ്യക്തമാക്കി ഏറ്റവും അടുത്ത സുഹൃത്തും നിയമോപദേശകനുമായ ഡബ്‌ള്യൂ പീറ്റര്‍ രമേശ്കുമാര്‍ രംഗത്തെത്തിയിരുന്നു. അദ്ദേഹം ഇന്ത്യ വിട്ടിരിക്കാമെന്നും പ്രസിഡന്റ് കൂടിക്കാഴ്ച അനുവദിച്ചാല്‍ മാത്രമേ തിരിച്ചുവരികയുള്ളൂ എന്നുമായിരുന്നു രമേശ് കുമാറിന്റെ വാക്കുകള്‍.