കൗമാരക്കാര​ന്റെ തലയറുത്ത്​ പൊലീസ്​ സ്​റ്റേഷനിലേക്ക്​ വലിച്ചെറിഞ്ഞു

പുതുച്ചേരിയിൽ പതിനേഴുകാരന്റെ ശരീരം വെട്ടിനുറുക്കി ശേഷം തലയറുത്ത് പൊലീസ്​ സ്​റ്റേഷനിലേക്ക്​ വലിച്ചെറിഞ്ഞു. ബുധനാഴ്​ച അർദ്ധരാത്രിയാണ് കവറിലിട്ട യുവാവിന്റെ ചോരയിറ്റു വീഴുന്ന തല സ്‌റ്റേഷനിലേക്ക് വലിച്ചെറിഞ്ഞത്​. പുതുച്ചേരി പാതൂര്‍ സ്വദേശി സുവേതനാണ് കൊല്ലപ്പെട്ടത്.

രണ്ടു ബൈക്കുകളിലെത്തിയ രണ്ടുപേർ പൊലീസ് സ്‌റ്റേഷനിലേക്ക് തല വലിച്ചെറിയുന്നതിന്റെ ദൃശ്യങ്ങൾ സിസിടിവി കാമറയിൽ പതിഞ്ഞിട്ടുണ്ട്​. കൊല്ലപ്പെട്ട 17 കാര​​ന്റെ മൃതദേഹം പൊലീസ്​ സറ്റേഷന്​ മൂന്നു കിലോമീറ്റർ അകലെ പുതുച്ചേരിയിലുള്ള തടാകത്തിൽ കണ്ടെത്തി. തടാകത്തി​​ന്റെ പരിസരത്താണ്​കൊലപാതകവും നടന്നിരിക്കുന്നതെന്ന്​ പൊലീസ്​ പറഞ്ഞു. പുതുച്ചേരിയിലുണ്ടായ മറ്റൊരു കൊലപാതകകേസിലെ പ്രതിയാണ്​ കൊല്ലപ്പെട്ട യുവാവ്. സുവേതന്‍റെ സുഹൃത്ത് വിനോദ് അറസ്റ്റിലായി.