ആദായനികുതി തട്ടിപ്പ് : ചെന്നൈയിലെ ജയാ ടിവി ഓഫീസില്‍ റെയ്ഡ്

അണ്ണാഡിഎംകെയുടെ ഔദ്യോഗിക ചാനലായ ജയാ ടിവിയുടെ ചെന്നൈയിലെ ഓഫീസില്‍ റെയ്ഡ്. ഇന്ന് രാവിലെ മുതലാണ് ആദായനികുതി വകുപ്പ് പരിശോധന നടത്തിയത്. ചെന്നൈയില്‍ ഏകാട്ടുതംഗലിലെ ഓഫിസില്‍ പത്തോളം വരുന്ന ഉദ്യോഗസ്ഥരുടെ റെയ്ഡ് തുടരുകയാണ്.

ആദായനികുതി തട്ടിപ്പ് നടത്തിയതായി വിവരം ലഭിച്ചതിനെ തുടര്‍ന്നാണ് റെയ്ഡ്. അന്തരിച്ച മുന്‍ മുഖ്യമന്ത്രി ജയലളിതയുടെ നേതൃത്വത്തില്‍ തുടങ്ങിയ ജയാ ടിവിയുടെ കാര്യങ്ങള്‍ നോക്കി നടത്തുന്നത് നിലവില്‍ ശശികലയുടെ മരുമകന്‍ വിവേക് നാരായണാണ്. ടിവി ഓഫീസിനു പിന്നാലെ വിവേക് നാരായണിന്റെ വസതിയിലും, ശശികലയുടെ കുടുംബാംഗങ്ങളുടെ ഉടമസ്ഥതയിലുള്ള ജാസ് സിനിമാസിലും ആദായ നികുതി വകുപ്പ് പരിശോധന തുടങ്ങി.