ജല്ലിക്കെട്ടില്‍ കാളയുടെ കുത്തേറ്റ് എന്‍ജിനീയറിംഗ് വിദ്യാര്‍ത്ഥി മരിച്ചു

തമിഴ്‌നാട്ടിലെ ശിവഗംഗയില്‍ ഞായറാഴ്ച നടന്ന ജല്ലിക്കെട്ടില്‍ കാളയുടെ കുത്തേറ്റ് എന്‍ജിനീയറിംഗ് വിദ്യാര്‍ത്ഥി മരിച്ചു. കാള കുത്താന്‍ പാഞ്ഞടുക്കുന്നത് കണ്ട മധ്യവയസ്‌കന്‍ ഹൃദയസ്തംഭനം മൂലവും മരിച്ചു. കാളയുടെ ആക്രമണത്തില്‍ 80 ഓളം പേര്‍ക്ക് പരുക്കേറ്റിട്ടുണ്ട്.

തിരുനാവകറുവ സ്വദേശിയായ 32കാരനാണ് കാളയുടെ കുത്തേറ്റ് മരിച്ചത്. കാളപ്പോരിലെ വിജയിയെ തെറ്റായി പ്രഖ്യാപിച്ചുവെന്ന് ആരോപിച്ചും സംഘര്‍മുണ്ടായി. ഇതില്‍ അഞ്ചു പേര്‍ക്ക് പരുക്കേറ്റിട്ടുണ്ട്. സംഘര്‍ഷവുമായി ബന്ധപ്പെട്ട് പത്തു പേരെ കസ്റ്റഡിയില്‍ എടുത്തതായി പോലീസ് അറിയിച്ചു.