ജന്മദിനമായ നവംബര്‍ ഏഴിന്‌ തന്റെ രാഷ്ട്രീയ പാര്‍ട്ടി പ്രഖ്യാപിക്കുമെന്ന് ഉലകനായകന്‍

ജന്മദിനമായ നവംബര്‍ ഏഴിന്‌ തന്റെ രാഷ്ട്രീയ പാര്‍ട്ടി പ്രഖ്യാപിക്കുമെന്ന് സൂചനകള്‍ നല്‍കി ഉലകനായകന്‍ . ക്ഷേത്രങ്ങള്‍ പൊളിച്ചു നീക്കണമെന്ന് ഞാനൊരിക്കലും പറഞ്ഞിട്ടില്ല. അതേ സമയം മതത്തിന്റെ പേരില്‍ വിഷം തന്നാല്‍ കുടിക്കരുത്. എത്രപേര്‍ എതിര്‍ക്കുന്നുവെന്നത് പ്രശ്‌നമല്ല. എന്തുചെയ്യുന്നുവെന്നതിലാണ് കാര്യമെന്നും കമല്‍ പറയുന്നു.

'എനിക്ക് സ്വിസ് ബാങ്കില്‍ അക്കൗണ്ടില്ല. അവിടെയുള്ള കള്ളപ്പണം തിരികെ കൊണ്ടുവരികയാണ് ലക്ഷ്യം' എന്ന് കമല്‍ വെല്‍ഫയര്‍ അസ്സോസ്സിയേഷന്റെ വാര്‍ഷിക യോഗത്തില്‍ താരം പറഞ്ഞു. ജനങ്ങളില്‍ നിന്നുള്ള സംഭാവന സ്വീകരിച്ചായിരിക്കും പാര്‍ട്ടി പ്രവര്‍ത്തിക്കുക എന്നും അദ്ദേഹം പറഞ്ഞു. ഹിന്ദു ഭീകരവാദം നിലനില്‍ക്കുന്നുവെന്ന പ്രസ്താവനയുടെ പേരില്‍ കമലിനെതിരെ കേസെടുക്കണമെന്ന് ചെന്നൈ പോലീസിന് പരാതി ലഭിച്ചു. പ്രസ്താവനയുടെ പേരിലുള്ള ഹര്‍ജി വാരണാസി കോടതിയും പരിഗണിക്കാനിരിക്കുകയാണ്.