ശശികലയുടെ സ്ഥാപനങ്ങളില്‍ നിന്നും പിടിച്ചെടുത്തത് കോടികള്‍ ; ഇതിനു പുറമേ 1200 കോടിയുടെ അനധകൃത നിക്ഷേപങ്ങളും !

എഐഎഡിഎംകെ നേതാവ് ശശികലയുടെ സ്ഥാപനങ്ങളിലും വസതികളിലും നടത്തിയ പരിശോധനയില്‍ പിടിച്ചെടുത്തത് കോടികളുടെ അനധികൃത സമ്പാദ്യമെന്ന് ആദായ നികുതി വകുപ്പ്. ശശികലയുടെ സഹോദരന്റെ സ്ഥാപനങ്ങളില്‍ അധികൃതര്‍ നടത്തിയ പരിശോധനയില്‍ അഞ്ചുകോടി രൂപയും എട്ടു കിലോ സ്വര്‍ണ്ണവും കോടികള്‍ വിലമതിക്കുന്ന വജ്രാഭരണങ്ങളുമാണ് പിടിച്ചെടുത്തത്. ഇതിനു പുറമേ 1200 കോടിയുടെ അനധകൃത നിക്ഷേപങ്ങളും ആദായ നികുതി വകുപ്പ് കണ്ടെത്തി.

കഴിഞ്ഞ മൂന്നു ദിവസമായി ശശികലയുടെയും ബന്ധുക്കളുടെയും എഐഎഡിഎംകെയിലെ ശശികല വിഭാഗം നേതാക്കളുടെയും ശശികലയുമായി അടുപ്പം പുലര്‍ത്തുന്നവരുടെയും സ്ഥാപനങ്ങളിലും വീടുകളിലും ആദായ നികുതി വകുപ്പ് പരിശോധനകള്‍ നടത്തി വരികയായിരുന്നു.