2 ജി സ്‌പെക്ട്രം : വിധി 21ന് ; ആര്‍.കെ നഗര്‍ ഉപതെരഞ്ഞെടുപ്പിനെ എങ്ങനെ ബാധിക്കുമെന്ന ആശങ്കയില്‍ ഡി.എം.കെ

സ്വതന്ത്ര ഇന്ത്യ കണ്ട ഏറ്റവും വലിയ തട്ടിപ്പായ ഒന്നായ 2ജി സ്‌പെക്ട്രം തട്ടിപ്പ് കേസില്‍ വിധി ഈ മാസം 21ന് വരും. പട്യാല ഹൗസ് പ്രത്യേക സി.ബി.ഐ കോടതിയാണ് വിധി പറയുക. മുന്‍ ടെലികോംമന്ത്രി എ.രാജ, കനിമൊഴി എം.പി എന്നിവരടക്കം പ്രതിപ്പട്ടികയില്‍ ഉള്ള കേസിലെ വിധി ഡി.എം.കെ കുടുംബത്തിനും തമിഴ്‌നാട് രാഷ്ട്രീയത്തിനും ഏറെ നിര്‍ണായകമാണ്. ഇന്ന് കോടതി കേസ് പരിഗണിക്കുമ്പോള്‍ കനിമൊഴി കോടതിയില്‍ ഹാജരായിരുന്നു.

തട്ടിപ്പില്‍ അന്നത്തെ ടെലികോം മന്ത്രിയായ എ.രാജ വന്‍ സാമ്പത്തിക നേട്ടമുണ്ടാക്കിയെന്നും ഡി.എം.കെ കുടുംബവുമായി ബന്ധപ്പെട്ടവരും നേട്ടമുണ്ടാക്കിയെന്നും സി.ബി.ഐ അന്വേഷണത്തില്‍ കണ്ടെത്തിയിരുന്നു. ഡി.ബി ഗ്രൂപ്പില്‍ നിന്നും കലൈഞ്ജര്‍ ടിവിക്ക് 200 കോടി കൈമാറിയെന്ന സി.ബി.ഐയുടെ കണ്ടെത്തലാണ് അതില്‍ പ്രധാനം.

കള്ളപ്പണം വെളുപ്പിച്ചതുമായി ബന്ധപ്പെട്ട് എന്‍ഫോഴ്‌സ്‌മെന്റ് ഡയറക്ടറേറ്റും േകേസെടുത്തിട്ടുണ്ട്. രാജയ്ക്കും കനിമൊഴിക്കും പുറമേ കരുണാനിധിയുടെ ഭാര്യ ദയാലു അമ്മാലിനെതിരെയും കേസുണ്ട്. പ്രതികളെല്ലാം ഇപ്പോള്‍ ജാമ്യത്തിലാണ്.