വിവാഹാഭ്യര്‍ഥന നിരസിച്ചതിന് പെണ്‍കുട്ടിയുടെ അമ്മയെ യുവാവ് വെട്ടിക്കൊന്നു

ചെന്നൈ: വിവാഹാഭ്യര്‍ഥന നിരസിച്ചതിന് പെണ്‍കുട്ടിയുടെ അമ്മയെ അയല്‍വാസിയായ യുവാവ് വെട്ടിക്കൊന്നു. ഗോപി മോടശൂര്‍ സ്വദേശിനി മേരിയാണു (56) വെട്ടേറ്റു മരിച്ചത്. സംഭവത്തില്‍ അയല്‍വാസിയായ മുരുഗനെ (27) പൊലീസ് അറസ്റ്റ് ചെയ്തു. 5 പെണ്‍മക്കളാണ് മേരിയ്ക്കുള്ളത്. അതില്‍ ഇളയ മകളെ വിവാഹം ചെയ്യണമെന്നായിരുന്നു മുരുകന്റെ ആവശ്യം. എന്നാല്‍ മകള്‍ പഠിക്കുകയാണെന്നും മൂത്ത മക്കളുടെ വിവാഹശേഷമേ ഇളയ മകളുടെ വിവാഹക്കാര്യം ആലോചിക്കാനാകൂവെന്നു മേരി പറഞ്ഞതാണ് ഇയാളെ പ്രകോപിപ്പിച്ചത്. തുടര്‍ന്ന് ഇരുവരും തമ്മില്‍ വാക്കേറ്റമുണ്ടായി.ഇതിനിടെ മേരിയെ അരിവാള്‍ ഉപയോഗിച്ച് മുരുഗന്‍ വെട്ടുകയായിരുന്നുവെന്ന് പൊലീസ് പറഞ്ഞു. തടയാന്‍ ശ്രമിച്ച അയല്‍വാസിക്കും വെട്ടേറ്റു.