രഹസ്യയോഗങ്ങൾ തിരിച്ചടി ആകുമെന്ന് ഹൈക്കമാന്റ്

എ ഐ ഗ്രൂപ്പുകൾ എല്ലാ ജില്ലകളിലും വാശിയോടെ വിളിച്ചു ചേർക്കുന്ന ഗ്രൂപ്പുയോഗങ്ങൾ പാർട്ടിക്ക് തിരിഞ്ഞെടുപ്പിൽ തിരിച്ചടി ആകുമെന്ന് ഹൈക്കമാന്റ് നിരീക്ഷകർ.
ഹൈക്കമാന്റിന് മുന്നിൽ കെ പി സി സി പ്രസിഡന്റ് പദവി എന്ന ആവശ്യം ഉന്നയിച്ച കെ സുധാകന്റെ അനുയായികൾ എന്ന പേരിൽ വരെ മലബാറിൽ യോഗങ്ങൾ സജീവമാണെന്ന് നവർ നൽകിയ റിപ്പോർട്ട് പറയുന്നു.
ഡിസിസി ജനറൽ സെക്രട്ടറി പി കെ അനിൽകുമാറിന്റെ രാജിക്ക് പിന്നാലെ കോൺഗ്രസ് പുകയുന്നു. ഞായറാഴ്ച ഐ ഗ്രൂപ്പ് നേതാക്കൾ കൽപ്പറ്റയിൽ രഹസ്യയോഗം ചേർന്നു. പ്രമുഖ നേതാക്കളെല്ലാം പങ്കെടുത്തു. നിയമസഭാ തെരഞ്ഞെടുപ്പിൽ കൽപ്പറ്റ മണ്ഡലത്തിൽ ജില്ലയ്ക്ക് പുറത്തുനിന്നുള്ളവരെ അംഗീകരിക്കേണ്ടെന്ന് തീരുമാനിച്ചു.

കെപിസിസി പ്രസിഡന്റ് മുല്ലപ്പള്ളി രാമചന്ദ്രനും വേണ്ടെന്ന നിലപാടെടുത്തു. കൽപ്പറ്റ ലക്ഷ്യമിടുന്ന കെപിസിസി വൈസ് പ്രസിഡന്റ് ടി സിദ്ധിഖിനേയും അടുപ്പിക്കില്ല. മുൻഡിസിസി പ്രസിഡന്റ് പി വി ബാലചന്ദ്രനെ സ്ഥാനാർഥിയാക്കണമെന്ന നിർദേശമാണ് ഐ ഗ്രൂപ്പ് മുന്നോട്ട് വെക്കുന്നത്. ജില്ലയിലുള്ളവരുടെ വികാരം മാനിക്കാതെ സ്ഥാനാർഥിയെ കെട്ടിയിറക്കിയാൽ കൂട്ടരാജിക്കുള്ള പദ്ധതിയുമുണ്ട്.

ഐ ഗ്രൂപ്പ് നീക്കത്തിൽ എ ഗ്രൂപ്പ് അങ്കലാപ്പിലായിഎ ഗ്രൂപ്പ്

അനിൽകുമാറിന് പിന്നാലെ മറ്റുചില നേതാക്കളും വരുംദിവസങ്ങളിൽ കോൺഗ്രസ് വിടും. അടിത്തട്ടിലുള്ള ധാരാളം പ്രവർത്തകർ തന്നോടൊപ്പം വരുമെന്ന് അനിൽകുമാറും പ്രഖ്യാപിച്ചിട്ടുണ്ട്. എൽജെഡിയിലാണ് ചേരുന്നത്. ഇവർക്കുള്ള സ്വീകരണ പരിപാടിയുടെ ഒരുക്കങ്ങളും തുടങ്ങിയിട്ടുണ്ട്.

ആലപ്പുഴയിലും , കോട്ടയത്തും കൂടുതൽ നേതാക്കളും പ്രവർത്തകരും പാർടി വിടുമെന്ന് ഉറപ്പായതോടെ നേതൃത്വം അങ്കലാപ്പിലാണ്. നേതാക്കളും പ്രവർത്തകരും പാർടി വിടുന്നതിന് ഡി സി നേതൃത്വം മറുപടി പറയേണ്ടിവരും.