സംവിധായകന്‍ ഗിരീഷ് മാലിക്കിന്റെ മകന്റേത് ആത്മഹത്യ; സ്ഥിരീകരിച്ച് പൊലീസ്

ബോളിവുഡ് നടനും സംവിധായകനുമായ ഗിരീഷ് മാലിക്കിന്റെ മകന്‍ മനന്റെത് (18) ആത്മഹത്യയാണെന്ന് സ്ഥിരീകരിച്ച് പൊലീസ്. അഞ്ചാം നിലയില്‍ നിന്ന് കാല് വഴുതി വീണാണ് അപകടം സംഭവിച്ചതെന്നായിരുന്നു ആദ്യം പുറത്ത് വന്ന റിപ്പോര്‍ട്ട്. ഹോളി ആഘോഷത്തിന് ശേഷം മംബൈയിലെ ഹോളി സ്പ്രിംഗ്സിലെ ഫല്‍റ്റിലേക്ക് തിരികെ വന്നതായിരുന്നു മനന്‍. ഹോളി ആഘോഷത്തിനിടെ തന്നെ മദ്യപിച്ചിരുന്ന മനന്‍ വീട്ടിലെത്തിയിട്ടും മദ്യപാനം തുടര്‍ന്നു. ഇത് കണ്ട അച്ഛന്‍ ഗിരീഷ് മദ്യപിക്കരുതെന്ന് താക്കീത് നല്‍കി. ഇതില്‍ പ്രകോപിതനായ മനന്‍ അഞ്ചാം നിലയില്‍ നിന്ന് താഴേക്ക് എടുത്ത് ചാടുകയായിരുന്നു. ഇന്നലെ വൈകീട്ട് 5 മണിയോടെയായിരുന്നു അപകടം. വീഴ്ചയില്‍ ഗുരുതരമായി പരുക്കേറ്റ മനനെ കോകിലാബേന്‍ അംബാനി ആശുപത്രിയില്‍ പ്രവേശിപ്പിച്ചുവെങ്കിലും ജീവന്‍ രക്ഷിക്കാന്‍ സാധിച്ചില്ല.