‘കുറച്ച് പഴയ നല്ല നിമിഷങ്ങള്‍’; ‘പികെ’ ഓര്‍മ്മകള്‍ പങ്കുവച്ച് അനുഷ്‌ക ശര്‍മ്മ

ഇന്ത്യന്‍ സിനിമയിലെ ഏറ്റവും വലിയ ബ്ലോക്ക്ബസ്റ്ററുകളിലൊന്നായി മാറിയ ചിത്രമായിരുന്നു 2014 ഡിസംബര്‍ 19 ന് പുറത്തിറങ്ങിയ 'പികെ'. ആമിര്‍ ഖാനും അനുഷ്‌ക ശര്‍മ്മയും അഭിനയിച്ച 'പികെ'യ്ക്ക് ഇന്ന് 7 വര്‍ഷം പിന്നിടുമ്പോള്‍ ചിത്രത്തിന്റെ ഷൂട്ടിംഗ് ഓര്‍മ്മകള്‍ പങ്കു വയ്ക്കുകയാണ് ബോളിവുഡ് തരാം അനുഷ്‌ക ശര്‍മ്മ. ചിത്രത്തില്‍ ഷൂട്ടിംഗ് രംഗങ്ങളും രസകരമായ നിമിഷങ്ങളുമടങ്ങുന്ന വീഡിയോ ആണ് ഇന്‍സ്റ്റാഗ്രാം സ്റ്റോറിയിലൂടെ പങ്കുവച്ചത്. വീഡിയോയില്‍ അമീര്‍ ഖാനെയും സുശാന്ത് സിംഗ് രജ്പുത്തിനെയും കാണാം. 'പികെ'യില്‍ സുശാന്ത് അനുഷ്‌കയുടെ കാമുകനായാണ് അഭിനയിച്ചത്. 'പികെ' ലോകമെമ്പാടും 700 കോടിയാണ് നേടിയത്. ശേഷം എക്കാലത്തെയും ഏറ്റവും കൂടുതല്‍ കളക്ഷന്‍ നേടിയ ഇന്ത്യന്‍ ചിത്രമായി 'പികെ' മാറുകയും ചെയ്തു. ഹ്യൂമനോയിഡ് ഏലിയനായാണ് ചിത്രത്തില്‍ ആമിര്‍ എത്തുന്നത്. അദ്ദേഹത്തിന്റെ ഗംഭീരമായ അഭിനയം നിരൂപകരില്‍ നിന്ന് പ്രെശംസയും നേടി. ഒപ്പം വ്യത്യസ്തമായ കഥ പ്രേക്ഷകരും ഏറ്റെടുത്തു. അമീര്‍ ഖാനോടൊപ്പമുള്ള അനുഷ്‌ക ശര്‍മ്മയുടെ ആദ്യ ചിത്രമായിരുന്നു 'പികെ'. ജഗത് ജന്നി എന്ന പത്രപ്രവര്‍ത്തകന്‍ എന്ന കഥാപാത്രത്തെയാണ് അനുഷ്‌ക അവതരിപ്പിച്ചത്. അതേസമയം, സുശാന്ത് സിംഗ് രജ്പുതിന്റെ അതിഥി വേഷവും ചിത്രത്തിന്റെ ഹൈലൈറ്റുകളിലൊന്നായിരുന്നു. കുറച്ചുനേരം മാത്രമേ സ്‌ക്രീനില്‍ തരാം ഉണ്ടായിരുന്നു എങ്കിലും ശക്തമായ കഥാപാത്രത്തെയാണ് സുശാന്ത് അവതരിപ്പിച്ചത്. \